ഫിഫ്ത്ത് റിംഗ് റോഡിൽ നവംബർ രണ്ടാം തീയതി വരെ താത്കാലിക വഴി തിരിച്ചുവിടൽ

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി: ജനറൽ ട്രാഫിക് ഡിപ്പാർട്ട്‌മെന്റുമായി സഹകരിച്ച് റോഡ്‌സ് ആൻഡ് ലാൻഡ് ട്രാൻസ്‌പോർട്ട് ജനറൽ അതോറിറ്റി, കുവൈറ്റിലെ ഫിഫ്ത്ത്  റിംഗ് റോഡിൽ ഇരുവശങ്ങളിലേക്കും താൽക്കാലിക വഴിതിരിച്ചുവിടൽ നടപ്പാക്കാൻ ഒരുങ്ങുന്നു. ഇബ്‌ൻ അൽ-ഖാസിം സ്ട്രീറ്റുമായുള്ള അഞ്ചാമത്തെ റിംഗ് റോഡിന്റെ കവലയിലെ സർവീസ് റോഡിലേക്ക് ഗതാഗതം  വഴിതിരിച്ചുവിടും. ഈ താൽക്കാലിക മാറ്റം ഇന്ന് മുതൽ  നവംബർ 2 വരെ പുലർച്ചെ 2 മുതൽ പുലർച്ചെ 5 വരെ തുടരും.

ഈ വഴിതിരിച്ചുവിടൽ ഗതാഗതം  നിയന്ത്രിക്കാനും  നിർദ്ദിഷ്ട സമയപരിധിക്കുള്ളിൽ തടസ്സങ്ങൾ കുറയ്ക്കാനും ലക്ഷ്യമിടുന്നു.