കുവൈറ്റ് അദാനിൽ വീടിന് തീപിടിച്ച് രണ്ട് മരണം : ആറ് പേരെ രക്ഷപ്പെടുത്തി

തിങ്കളാഴ്ച ഉച്ചയോടെ അദാൻ പ്രദേശത്തെ ഒരു വീട്ടിലുണ്ടായ തീപിടിത്തത്തിൽ രണ്ട് പേർ മരിച്ചതായി ജനറൽ ഫയർ സർവീസ് ഡയറക്ടറേറ്റ് അറിയിച്ചു. വിവരം ലഭിച്ചതിനെ തുടർന്ന് അൽ-ഖുറൈൻ, അൽ-ബൈറാഖ് കേന്ദ്രങ്ങളിൽ നിന്നുള്ള അഗ്നിശമന സേനാംഗങ്ങൾ എത്തിയാണ് തീ നിയന്ത്രണവിധേയമാക്കിയത്. അഗ്നിശമന സേനാംഗങ്ങൾ തീയണയ്ക്കുകയും കെട്ടിടത്തിൽ നിന്ന് സുരക്ഷിതമായി ആറ് പേരെ രക്ഷപ്പെടുത്തുകയും ചെയ്തതായി ഒരു പത്രക്കുറിപ്പിൽ വകുപ്പ് റിപ്പോർട്ട് ചെയ്തു. സംഭവത്തിൽ അന്വേഷണം ആരംഭിച്ചു.