വൻതോതിൽ ഹാഷിഷ് കടത്താനുള്ള ശ്രമം കുവൈറ്റ് പോലീസ് പരാജയപ്പെടുത്തി

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി: കടൽമാർഗം കുവൈറ്റിലേക്ക് 350 കിലോ കഞ്ചാവ് കടത്താൻ ശ്രമിക്കുന്നതിനിടെ ആറ് മയക്കുമരുന്ന് കടത്തുകാരെ പിടികൂടാൻ കഴിഞ്ഞതായി ആഭ്യന്തര മന്ത്രാലയം അറിയിച്ചു.

സുരക്ഷാ  നിരീക്ഷണം അനുസരിച്ച്, ക്രിമിനൽ അന്വേഷണ വകുപ്പിൻ്റെ , കോസ്റ്റ് ഗാർഡ് കോർപ്‌സിൻ്റെ സഹകരണത്തോടെ കുവൈറ്റിലെ സമുദ്രാതിർത്തിക്കുള്ളിൽ 13 ബാഗുകളിലായി നിരോധിത മയക്കുമരുന്ന് കടത്തുകയായിരുന്ന ബോട്ട് പിടികൂടാൻ സാധിച്ചു.

മയക്കുമരുന്ന് കടത്തുകാരെന്ന് സംശയിക്കുന്ന ആറ് പേരെ കസ്റ്റഡിയിലെടുത്തതായി മന്ത്രാലയത്തിൻ്റെ ജനറൽ ഡയറക്ടറേറ്റ് ഓഫ് സെക്യൂരിറ്റി റിലേഷൻസ് ആൻഡ് മീഡിയയുടെ പ്രസ്താവനയിൽ പറയുന്നു.