സെവൻത് റിംഗ് റോഡിൽ  വാഹനങ്ങൾ കൂട്ടിയിടിച്ചുണ്ടായ അപകടത്തിൽ  ഒരു മരണം

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി: സെവൻത് റിംഗ് റോഡിൽ രണ്ട് വാഹനങ്ങൾ കൂട്ടിയിടിച്ചുണ്ടായ അപകടത്തിൽ  ഒരാൾ മരിച്ചു.ഇസ്തിക്‌ലാൽ സെന്ററിലെ അഗ്നിശമന സേനാംഗങ്ങളാണ് അപകടം കൈകാര്യം ചെയ്തതെന്ന് ഡയറക്ടറേറ്റ് ജനറൽ ഓഫ് ഫയർ ഡിപ്പാർട്ട്‌മെന്റിന്റെ (ഡിജിഎഫ്‌ഡി) ജനറൽ ഫയർഫോഴ്‌സിന്റെ പബ്ലിക് റിലേഷൻസ് ആൻഡ് മീഡിയ വിഭാഗം അറിയിച്ചു.

ഇടിയുടെ ആഘാതത്തിൽ ഇരു വാഹനങ്ങളും കത്തിനശിച്ചതായി ഫയർഫോഴ്‌സ് പറഞ്ഞു.
അപകടത്തിൽ ഒരാൾ മരിക്കുകയും മറ്റൊരു വാഹനത്തിന്റെ ഡ്രൈവറെ ആശുപത്രിയിൽ പ്രവേശിപ്പിക്കുകയും ചെയ്തതായി ഔദ്യോഗിക  വൃത്തങ്ങൾ അറിയിച്ചു.