ജലീബ്  അൽ ഷുയുഖിൽ തീവ്രമായ സുരക്ഷാ കാമ്പയിൻ ആരംഭിക്കാൻ പദ്ധതി

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി :  എല്ലാ നിയമലംഘകരെയും പിടികൂടാൻ ജലീബ്  അൽ ഷുയുഖ് മേഖലയിൽ തീവ്രമായ സുരക്ഷാ കാമ്പയിൻ ആരംഭിക്കാൻ പദ്ധതിയി.  മേഖലയിൽ വർധിച്ചുവരുന്ന നിയമലംഘനങ്ങൾ തടയാൻ ശക്തമായ സുരക്ഷാ കാമ്പയിൻ ആരംഭിക്കാൻ ആഭ്യന്തര മന്ത്രാലയം ആലോചിക്കുന്നു.  എല്ലാ റസിഡൻസി നിയമ ലംഘനങ്ങൾ, വർദ്ധിച്ചുവരുന്ന അധാർമ്മിക പ്രവർത്തനങ്ങൾ, അനധികൃത മദ്യവ്യാപാരം, സർക്കാർ ഓഫീസുകളിൽ നിന്ന് സാധനങ്ങൾ മോഷ്ടിക്കുകയും സൂക്ഷിക്കുകയും ചെയ്യുന്ന കേസുകൾ എന്നിവ ലക്ഷ്യമിടുന്നതായി പ്രാദേശിക മാധ്യമമായ കുവൈറ്റ് ടൈംസ് റിപ്പോർട്ട് ചെയ്തു.

റിപ്പോർട്ട് അനുസരിച്ച്, പ്രദേശം മുഴുവൻ ദിവസങ്ങളോളം വളയുകയോ പല മേഖലകളായി വിഭജിക്കുകയോ നിയമലംഘകരെ പിടികൂടുന്നതിന് വാണിജ്യ മന്ത്രാലയവും മുനിസിപ്പാലിറ്റിയും പോലുള്ള മറ്റ് സ്ഥാപനങ്ങളുമായി ഏകോപിപ്പിച്ച് അവിടെ സുരക്ഷാ സാന്നിധ്യം ശക്തമാക്കുന്നതും പദ്ധതിയിൽ ഉൾപ്പെടുന്നു.

നിയമലംഘകരുടെയും സാമൂഹിക വിരുദ്ധരുടെയും ഇടം ഇല്ലാതാക്കുകയാണ് പദ്ധതിയുടെ പ്രാഥമിക ലക്ഷ്യമെന്ന് റിപ്പോർട്ട് കൂട്ടിച്ചേർത്തു.