മുൻ കുവൈറ്റ് പ്രവാസി, കോട്ടയം കുടമാളൂർ സ്വദേശി ജേക്കബ് ജോൺ (സുരേഷ്) നിര്യാതനായി

കോട്ടയം/ചെന്നൈ: മുപ്പതിലധികം വർഷം കുവൈറ്റിൽ പ്രവാസിയായിരുന്ന കോട്ടയം കുടമാളൂർ സ്വദേശി ജേക്കബ് ജോൺ (സുരേഷ് – 66) അന്തരിച്ചു. കുവൈറ്റിലെ പ്രമുഖ കമ്പനിയായ ഇസ്കോയിൽ (ISCO) സീനിയർ സ്റ്റാഫായി ദീർഘകാലം സേവനമനുഷ്ഠിച്ച അദ്ദേഹം മംഗഫിലായിരുന്നു താമസം. പ്രവാസം അവസാനിപ്പിച്ച ശേഷം ചെന്നൈയിൽ വിശ്രമജീവിതം നയിക്കുകയായിരുന്നു. ജൂലൈ 12-നായിരുന്നു അന്ത്യം.

കുവൈറ്റ് അദാൻ ഹോസ്പിറ്റലിലെ നഴ്സ് ഇൻ ചാർജ് ആയ ഐവി അനു ജോൺ ആണ് ഭാര്യ. മക്കൾ: റിച്ചാർഡ് ജേക്കബ് ജോൺ (ചെന്നൈ), റെനിത സൂസൻ ജേക്കബ് (കുവൈറ്റ്). സംസ്കാര ശുശ്രൂഷകൾ ചെന്നൈ അമ്പത്തൂരിലെ സി.എസ്.ഐ ക്രിസ്തു ചർച്ചിൽ (CSI Christ Church, Ambattur) പിന്നീട് നടക്കും. സംസ്കാര തീയതിയും സമയവും പിന്നീട് അറിയിക്കുമെന്ന് കുടുംബാംഗങ്ങൾ അറിയിച്ചു.