കുവൈറ്റിൽ മദ്യവുമായി പ്രവാസിയെ അറസ്റ്റ് ചെയ്തു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി :  ജഹ്‌റ സെക്യൂരിറ്റി ഡയറക്‌ടറേറ്റിലെ പോലീസ് ഉദ്യോഗസ്ഥർ മദ്യം നിർമ്മിച്ച് വിറ്റതിന് ഒരു ഏഷ്യക്കാരനെ അറസ്റ്റ് ചെയ്തു.

ജഹ്‌റയുടെ പ്രാന്തപ്രദേശത്ത് നിന്നാണ് ഇയാളെ  പിടികൂടിയതെന്ന് അൽ-അൻബ ദിനപത്രം റിപ്പോർട്ട് ചെയ്തു . ഇയാളിൽ നിന്ന് 18 കുപ്പി നാടൻ മദ്യവും ഒരു യൂണിറ്റ്  ഹാഷിഷും പോലീസ് പിടിച്ചെടുത്തു.

ജഹ്‌റയിലെ ഒരു റെസിഡൻഷ്യൽ കെട്ടിടത്തിന് സമീപം   കണ്ട അജ്ഞാതനിൽ   നിന്ന് സൂചന ലഭിച്ചതിനെ തുടർന്നാണ് പ്രതിയെ അറസ്റ്റ് ചെയ്തതെന്ന് ദിനപത്രം കൂട്ടിച്ചേർത്തു.

വിവരമറിഞ്ഞ് പോലീസ് സ്ഥലത്തെത്തി പരിശോധന നടത്തിയപ്പോൾ പ്രതി മദ്യം  സൂക്ഷിച്ച ബാഗ് ഉപേക്ഷിച്ച് രക്ഷപ്പെടാൻ ശ്രമിച്ചെങ്കിലും ഫലമുണ്ടായില്ല.