ന്യൂസ് ബ്യൂറോ, കുവൈറ്റ്
കുവൈറ്റ് സിറ്റി : മാസപ്പിറവി ദൃശ്യമായതിനാല് ഗള്ഫ് രാജ്യങ്ങളില് നാളെ ചെറിയ പെരുന്നാള് ആഘോഷിക്കും. മാസപ്പിറ കാണാത്തതിനാല് ഒമാനില് ശനിയാഴ്ചയാണ് പെരുന്നാള്.
സ്നേഹത്തിന്റെയും സഹനത്തിന്റെയും സ്മരണകള് പുതുക്കി വിശ്വാസികള് ഒരു മാസത്തെ വ്രതക്കാലം അവസാനിപ്പിച്ചാണ് പെരുന്നാള് ആഘോഷ രാവുകളിലേക്ക് കടക്കുന്നത്. ആകാശത്ത് മാസപ്പിറവി ദൃശ്യമാകുന്നത് നിരീക്ഷിക്കാന് പൊതുജനങ്ങള്ക്ക് അധികൃതര് നിര്ദേശം നല്കിയിരുന്നു.
അതേസമയം മാസപ്പിറവി ദൃശ്യമാകാത്തതിനാല് കേരളത്തില് വെള്ളിയാഴ്ചയാണ് ഈദുല് ഫിത്വര്. പാളയം ഇമാം ആണ് നാളെ റമദാന് 30 പൂര്ത്തിയാക്കി മറ്റന്നാള് ഈദുല് ഫിത്വര് ആയിരിക്കുമെന്ന് ഔദ്യോഗികമായി പ്രഖ്യാപിച്ചത്. സംസ്ഥാനത്ത് എവിടെയും മാസപ്പിറവി കണ്ടില്ലെന്ന് ഖാസിമാര് അറിയിക്കുകയായിരുന്നു. ഇതോടെ മുപ്പത് ദിവസത്തെ വ്രതം പൂര്ത്തിയാക്കി വിശ്വാസികള് ശനിയാഴ്ച ചെറിയ പെരുന്നാള് ആഘോഷിക്കും.
More Stories
ഇറാൻ ആക്രമണങ്ങളെ ശക്തമായി അപലപിച്ച് കുവൈറ്റ് മന്ത്രിസഭ ; രാജ്യസുരക്ഷയ്ക്ക് സാധ്യമായ എല്ലാ നടപടികളും സ്വീകരിക്കും
പഴയപള്ളി യുവജനപ്രസ്ഥാനം തിരുവോണപ്പുലരി 2026 കൂപ്പൺ പ്രകാശനം ചെയ്തു.
കുവൈറ്റ് ജനറൽ ഡയറക്ടറേറ്റ് ഓഫ് ട്രാഫിക് ഡിപ്പാർട്മെൻറ് പുതുക്കിയ ഔദ്യോഗിക പ്രവൃത്തി സമയം പ്രഖ്യാപിച്ചു