കുവൈറ്റിൽ പ്രവാസി സർക്കാർ ജീവനക്കാരുടെ സേവനാനന്തര ആനുകൂല്യങ്ങൾക്കായി കഴിഞ്ഞവർഷം നൽകിയത് 3.15 കോടി ദിനാർ

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : കുവൈറ്റിൽ പ്രവാസി സർക്കാർ ജീവനക്കാരുടെ സേവനാനന്തര ആനുകൂല്യങ്ങൾക്കായി കഴിഞ്ഞവർഷം നൽകിയത് 3.15 കോടി കുവൈറ്റി ദിനാർ.
2022/2023 സാമ്പത്തിക വർഷത്തിൽ നിരവധി സർക്കാർ ഏജൻസികളിലെ കുവൈറ്റ് ഇതര ജീവനക്കാരുടെ സേവനാനന്തര ആനുകൂല്യങ്ങൾക്കായി 31.475 മില്യൺ ദിനാർ ചെലവഴിച്ചതായി  അൽ-സെയാസ്സ ദിനപത്രം റിപ്പോർട്ട് ചെയ്യുന്നു. തൊഴിൽ കരാറുകൾ, പ്രസക്തമായ തീരുമാനങ്ങൾ, സിവിൽ സർവീസ് നിയമം നമ്പർ 15/1979 ന്റെ എക്സിക്യൂട്ടീവ് ചട്ടങ്ങൾ, ഗൾഫ് സഹകരണ കൗൺസിൽ അംഗീകരിച്ച അനുബന്ധ സ്ഥാപനങ്ങളെ നിയന്ത്രിക്കുന്ന ചട്ടങ്ങൾ എന്നിവ അനുസരിച്ചാണ് ബോണസ് നൽകിയതെന്ന് റിപ്പോർട്ട് സ്ഥിരീകരിച്ചു.

2022/2023 സാമ്പത്തിക വർഷത്തെ തൊഴിലാളികളുടെ നഷ്ടപരിഹാരത്തിനായി കുവൈറ്റ് ചെലവഴിച്ച തുക 8.502 ബില്യൺ ദിനാർ  ആയതായി ഔദ്യോഗിക കണക്കുകൾ വ്യക്തമാക്കുന്നു.