കുവൈറ്റിലെ മൊത്തം പ്രവാസി തൊഴിലാളികളിൽ കാൽ ഭാഗവും ഗാർഹിക തൊഴിലാളികൾ

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : സെൻട്രൽ അഡ്മിനിസ്‌ട്രേഷൻ ഫോർ സ്റ്റാറ്റിസ്റ്റിക്‌സിന്റെ കണക്കനുസരിച്ച് കുവൈറ്റിലെ മൊത്തം പ്രവാസി തൊഴിലാളികളിൽ നാലിലൊന്ന് പേരും ഗാർഹിക തൊഴിലാളികളാണെന്ന് ‘അൽ-ഷാൽ’ സെന്റർ പുറത്തിറക്കിയ പ്രതിവാര റിപ്പോർട്ടിൽ പറയുന്നു. ആകെയുള്ള തൊഴിലാളികളിൽ 347,000 പുരുഷന്മാരും 406,000 സ്ത്രീകളുമാണ്.

പുരുഷന്മാരിൽ 239,000 തൊഴിലാളികളുമായി  ഇന്ത്യയും സ്ത്രീകളിൽ  199,000 തൊഴിലാളികളുമായി  ഫിലിപ്പീൻസും മുന്നിട്ട് നിൽക്കുന്നതായി റിപ്പോർട്ട് സൂചിപ്പിച്ചതായി പ്രദേശിക ദിനപത്രം റിപ്പോർട്ട് ചെയ്യുന്നു.
മൊത്തം ഗാർഹിക തൊഴിലാളികളിൽ 44.8 ശതമാനം ഇന്ത്യക്കാരും   26.6 ശതമാനം ഫിലിപ്പിനോകലുമാണ്  .