ഈദ് അൽ അദ്ഹയ്ക്ക് മുമ്പായി പുതിയ നോട്ടുകൾ എല്ലാ ബാങ്കുകളിലേക്കും വിതരണം ചെയ്തു കുവൈറ്റ് സെൻട്രൽ ബാങ്ക്

ഈദ് അൽ അദ്ഹയ്ക്ക് മുമ്പായി പുതിയ കുവൈറ്റി ദിനാർ നോട്ടുകൾ എല്ലാ ബാങ്കുകളിലേക്കും വിതരണം പൂർത്തിയാക്കിയെന്ന് സെന്ട്രൽ ബാങ്ക് ഓഫ് കുവൈറ്റ് (സിബികെ) അറിയിച്ചു . വിവിധ മൂല്യങ്ങളിലുള്ള നോട്ടുകൾ ഈദ് ആഘോഷിക്കുന്നവരുടെ ആവശ്യം നിറവേറ്റാൻ ബാങ്കുകളിൽ ലഭ്യമാണെന്ന് സെൻട്രൽ ബാങ്ക് പ്രസ്താവനയിൽ വ്യക്തമാക്കി .

പുതിയ നോട്ടുകൾ ലഭിക്കാൻ ആഗ്രഹിക്കുന്നവർ തങ്ങളുടെ ബാങ്ക് ശാഖകളിൽ ഔദ്യോഗിക പ്രവൃത്തി സമയത്ത് സന്ദർശിക്കണമെന്ന് സെൻട്രൽ ബാങ്ക് വ്യക്തമാക്കി. ഈദിയ്യ (ഈദ് സമ്മാനം) നോട്ടുകൾ വിനിമയം ചെയ്യുന്നത് സംബന്ധിച്ച വിവരങ്ങൾ ഓരോ ബാങ്കിന്റെയും ഔദ്യോഗിക വെബ്‌സൈറ്റുകളിലൂടെയും പുറത്ത് വിട്ടതായും, ഉപഭോക്താക്കൾക്ക് കൂടുതൽ സൗകര്യങ്ങൾ ഒരുക്കുന്നതിന് മറ്റ് ചാനലുകളും സജ്ജമാക്കുന്നതായുംസെൻട്രൽ ബാങ്ക് വ്യക്തമാക്കി.