ആവേശപ്പോരിൽ കുവൈറ്റിനെ തകർത്ത് ഇന്ത്യയ്ക്ക് സാഫ് ഫുട്ബോൾ കിരീടം

സ്പോർട്സ് ഡെസ്ക്

ബംഗളൂരു : ആവേശപ്പോരിൽ കുവൈറ്റിനെ തകർത്ത് ഇന്ത്യയ്ക്ക് സാഫ് ഫുട്ബോൾ കിരീടം. തുല്യശക്തികളുടെ പോരാട്ടം നിറഞ്ഞ ഫൈനലിൽ  സഡൻ  ഡെത്തിൽ ആണ് ഇന്ത്യ വിജയികളായത്. ഗോൾകീപ്പർ ഗുരുപ്രീത് സിംഗ് സംഘുവിന്റെ പ്രകടനം ശ്രദ്ധേയമായി.

നേരത്തെ നിശ്ചിത സമയത്ത് 2 ടീമുകളും ഓരോ ഗോളടിച്ച സമനില പാലിച്ചിരുന്നു. തുടർന്നുള്ള എക്സ്ട്രാ ടൈമിലും ഇരു ടീമുകൾക്കും ഗോൾ  നേടുവാൻ സാധിച്ചില്ല. പെനാൽറ്റി ഷൂട്ടൗട്ടിൽ 4-4 സ്കൊറിൽ ഇന്ത്യയും കുവൈറ്റും തുല്യത പാലിച്ചതിനെ തുടർന്നാണ് പോരാട്ടം സഡൻ  ഡെത്തിലേക്ക് നീണ്ടത്.