കുവൈറ്റിൽ സന്ദർശക വിസ നൽകുന്നത് പുനരാരംഭിച്ചു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : കുവൈറ്റിൽ സന്ദർശക വിസ നൽകുന്നത് പുനരാരംഭിച്ചു. രണ്ട് വർഷത്തിലേറെയായി നീണ്ട ഇടവളയ്ക്കുശേഷം ആണ്   ഫാമിലി വിസിറ്റ് വിസയ്ക്കുള്ള അപേക്ഷകൾ  ഇന്ന് മുതൽ സ്വീകരിച്ചത്.

കോവിഡ് -19 പാൻഡെമിക് പൊട്ടിപ്പുറപ്പെട്ടതിനെത്തുടർന്ന് വിസ നൽകുന്നത് നിർത്തിവച്ചത്. വാണിജ്യ സന്ദർശന വിസകളും ടൂറിസ്റ്റ് വിസകളും ഉൾപ്പെടെ പരിമിതമായ  വിസകളാണ് നേരത്തെ നൽകിയിരുന്നതെന്ന് പ്രാദേശിക ദിനപത്രം റിപ്പോർട്ട് ചെയ്തു.

കൊറോണയുമായി ബന്ധപ്പെട്ട എല്ലാ നിയന്ത്രണങ്ങളും റദ്ദാക്കാൻ ഈദുൽ ഫിത്തറിന് മുമ്പുള്ള മന്ത്രിമാരുടെ കൗൺസിൽ അടുത്തിടെ തീരുമാനമെടുത്തതോടെ, കുടുംബ സന്ദർശന വിസകൾക്കായുള്ള അഭ്യർത്ഥനകൾ സ്വീകരിക്കാൻ താമസകാര്യ വകുപ്പുകൾ തീരുമാനിച്ചു.

ദേശീയത, ശമ്പള പരിധി, സെക്യൂരിറ്റി ചെക്കുകൾ തുടങ്ങിയ കാര്യങ്ങളിൽ വിസ അനുവദിക്കുന്നതിനുള്ള വ്യവസ്ഥകൾ തുടരുമെന്ന് ഔദ്യോഗിക വൃത്തങ്ങൾ സൂചിപ്പിച്ചു.