കുവൈറ്റ് നാഷണൽ ഗാർഡ് മേധാവിയും, കുവൈറ്റ് ഇന്ത്യൻ അംബാസഡറും തമ്മിൽ കൂടിക്കാഴ്ച നടത്തി

കുവൈറ്റ് നാഷണൽ ഗാർഡ് മേധാവി ഹിസ് എക്സലൻസി ഷെയ്ഖ് മുബാറക് ഹുമൗദ് അൽ-ജാബർ അൽ-സബാഹും ഇന്ത്യൻ അംബാസഡർ ഹിസ് എക്സലൻസി ഡോ. ആദർശ് സൈ്വകയും തമ്മിലാണ് കൂടിക്കാഴ്ച നടത്തിയത്. കുവൈറ്റ് നാഷണൽ ഗാർഡ് ആസ്ഥാനത്ത് വെച്ചായിരുന്നു കൂടിക്കാഴ്ച.

ഇന്ത്യയും കുവൈറ്റും തമ്മിലുള്ള ചരിത്രപരമായ ബന്ധം, പ്രത്യേകിച്ച് പ്രതിരോധ മേഖലയിലെ സഹകരണം കൂടുതൽ ശക്തിപ്പെടുത്തുന്നതിനെക്കുറിച്ച് ഇരുവരും ചർച്ച ചെയ്തു.

ഇരു രാജ്യങ്ങളും തമ്മിലുള്ള ബന്ധം മെച്ചപ്പെടുത്തുന്നതിൽ ഇത്തരം കൂടിക്കാഴ്ചകൾ പ്രധാന പങ്ക് വഹിക്കുമെന്ന് ഹിസ് എക്സലൻസി ഷെയ്ഖ് മുബാറക് ഹുമൗദ് അൽ-ജാബർ അൽ-സബാഹ് അഭിപ്രായപ്പെട്ടു.

ഈ കൂടിക്കാഴ്ച ഇരു രാജ്യങ്ങളും തമ്മിലുള്ള ബന്ധം കൂടുതൽ ദൃഢമാക്കുമെന്നും പ്രതിരോധ മേഖലയിൽ പുതിയ സഹകരണത്തിന് വഴിയൊരുക്കുമെന്നും പ്രതീക്ഷിക്കുന്നു.