ഇന്ത്യൻ എംബസി അബ്ദലിയിൽ കോൺസുലർ ക്യാമ്പ് സംഘടിപ്പിന്നു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : കുവൈറ്റിലെ ഇന്ത്യൻ എംബസി 2024 ഫെബ്രുവരി 16 വെള്ളിയാഴ്ച  അബ്ദലി ഏരിയയിൽ കോൺസുലർ ക്യാമ്പ് സംഘടിപ്പിക്കും. കോൺസുലർ ക്യാമ്പ് ഫെബ്രുവരി 16 മുതൽ സലാഹ് ഫലാഹ് ഫഹദ് ആസ്മി ഫാമിൽ (സുബിയ റോഡ്, ബ്ലോക്ക് 06, ചെറിയ ജാമിയ, അബ്ദലിക്ക് സമീപം) രാവിലെ 9:30 മുതൽ വൈകിട്ട് 3:30 വരെ നടക്കും. 

         ക്യാമ്പിൽ പാസ്പോർട്ട് പുതുക്കൽ, ഓൺലൈൻ ഫോം പൂരിപ്പിക്കൽ, ഫോട്ടോഗ്രാഫ്, പിസിസി അപേക്ഷകൾ, റിലേഷൻഷിപ്പ് സർട്ടിഫിക്കറ്റ്, ഡ്രൈവിംഗ് ലൈസൻസ് എക്സ്ട്രാക്റ്റ്, ജനറൽ പവർ ഓഫ് അറ്റോർണി, സിഗ്നേച്ചർ അറ്റസ്റ്റേഷൻ, മറ്റ് പൊതു സാക്ഷ്യപ്പെടുത്തൽ, തൊഴിൽ പരാതികളുടെ രജിസ്ട്രേഷൻ തുടങ്ങിയ സേവനങ്ങൾ എംബസി നൽകും.

സാക്ഷ്യപ്പെടുത്തിയ എല്ലാ രേഖകളും ക്യാമ്പിൽ സ്ഥലത്ത് നൽകും .  അബ്ദാലി മേഖലയിൽ ജോലി ചെയ്യുന്ന ഇന്ത്യൻ പൗരന്മാർക്ക് എംബസിയിൽ വരാതെ തന്നെ ഈ സേവനങ്ങൾ ലഭിക്കുന്നതിന് ക്യാമ്പ് വളരെ ഉപകാരപ്രദമാകും.  ക്യാഷ് പേയ്‌മെന്റുകൾ മാത്രമേ ക്യാമ്പ് സൈറ്റിൽ സ്വീകരിക്കുകയുള്ളൂ എന്നും  എംബസി അറിയിച്ചു.