കുവൈറ്റ് ജനസംഖ്യയോടെ 74% യുവാക്കൾ

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : കുവൈറ്റ് ജനസംഖ്യയോടെ 74% 40 വയസ്സിൽ താഴെയുള്ളവർ.സെൻട്രൽ അഡ്മിനിസ്‌ട്രേഷൻ ഓഫ് സ്റ്റാറ്റിസ്റ്റിക്‌സ് 2023 ജനുവരി ഒന്നിന് കുവൈറ്റിലെ ജനസംഖ്യയെ സംബന്ധിച്ച് പുറത്തിറക്കിയ റിപ്പോർട്ട് പ്രകാരമാണ് പുതിയ കണക്കുകൾ.

     കണക്കുകൾ പ്രകാരം കുവൈറ്റിലെ മൊത്തം ജനസംഖ്യ 4,793,568 ആണ്.  അവരിൽ 1,517,076 പേർ സ്വദേശികൾ ആണ്  ( ജനസംഖ്യയുടെ 32% )  അതേസമയം പ്രവാസികൾ  3,276,492 ആണ് (ജനസംഖ്യയുടെ 68% ) .

ഏകദേശം 651,000 കുവൈറ്റ് പുരുഷന്മാരും സ്ത്രീകളും 19 വയസ്സിന് താഴെയുള്ളവരാണെന്നും 4.73 ലക്ഷം  കുവൈറ്റികൾ 20 നും 39 നും ഇടയിൽ പ്രായമുള്ളവരാണെന്നും കണക്കുകൾ കാണിക്കുന്നു.  അതേസമയം ,  ജനനം മുതൽ 39 വയസ്സ് വരെയുള്ള രണ്ട് പ്രായ വിഭാഗങ്ങൾ (ആൺ-പെൺ) 1,124,000 ആണ്, അതായത് മൊത്തം കുവൈറ്റികളുടെ 74%.

സ്ത്രീ പുരുഷ അനുപാതം വളരെ നേരിയതാണെന്ന് കണക്കുകൾ വ്യക്തമാക്കുന്നു.

കുവൈറ്റ് പുരുഷന്മാരുടെ  ആകെ എണ്ണം 744,238 വും ( 49%), കുവൈറ്റ് സ്ത്രീകൾ 772,838 വും (51%) ആണ്.