മന്ത്രി ഡോ. എസ് ജയശങ്കർ കുവൈറ്റിലെ ഇന്ത്യൻ സമൂഹത്തെ നാളെ അഭിസംബോധന ചെയ്യും

Times of Kuwait

കുവൈത്ത് സിറ്റി : മൂന്നു ദിവസത്തെ ഔദ്യോഗിക സന്ദർശനത്തിന് കുവൈത്തിലെത്തിയ ഇന്ത്യൻ വിദേശകാര്യ മന്ത്രി ഡോ. എസ് ജയശങ്കർ കുവൈറ്റിലെ ഇന്ത്യൻ സമൂഹത്തെ നാളെ അഭിസംബോധന ചെയ്യും. നാളെ വൈകുന്നേരം ആറുമണിക്കാണ് അദ്ദേഹത്തിൻറെ തൽസമയ പ്രഭാഷണം സോഷ്യൽ മീഡിയ പ്ലാറ്റ്ഫോമുകൾ ആയ ഫേസ്ബുക്ക് ,യൂട്യൂബ് , ട്വിറ്റർ എന്നിവയിൽ പ്രക്ഷേപണം ചെയ്യുക. കോവിഡ് സാഹചര്യം പ്രമാണിച്ചാണ് നേരിട്ടുള്ള അഭിസംബോധന ഒഴിവാക്കിയത്.

   ഇന്നലെ വൈകുന്നേരമാണ് മൂന്ന് ദിവസത്തെ സന്ദർശനത്തിന് ഇന്ത്യൻ വിദേശകാര്യമന്ത്രി കുവൈത്തിൽ എത്തിയത്. ഇന്ന് കുവൈത്ത് പ്രധാനമന്ത്രിയുമായും വിദേശകാര്യ മന്ത്രിയും ആയും അദ്ദേഹം കൂടിക്കാഴ്ച നടത്തിയിരുന്നു.