കുവൈറ്റിൽ 144 കിലോയിലേറെ പഴകിയ ഭക്ഷണം പിടിച്ചെടുത്ത് നശിപ്പിച്ചു ; നിയമലംഘനം നടത്തിയ സ്ഥാപനങ്ങൾക്കെതിരെ ശക്തമായ നടപടിയുമായി മന്ത്രാലയം

കുവൈറ്റ് സിറ്റി: ഉപഭോക്താക്കളുടെ ആരോഗ്യവും സുരക്ഷയും ഉറപ്പുവരുത്തുന്നതിനായി പബ്ലിക് അതോറിറ്റി ഫോർ ഫുഡ് ആൻഡ് ന്യൂട്രീഷൻ (PAFN) നടത്തുന്ന സുരക്ഷാ പരിശോധനകൾക്കിടെ വൻ നിയമലംഘനങ്ങൾ കണ്ടെത്തി. ക്യാപിറ്റൽ ഗവർണറേറ്റിലെ ഇൻസ്പെക്ഷൻ ഡിപ്പാർട്ട്മെന്റ് നടത്തിയ പരിശോധനയിൽ മനുഷ്യ ഉപഭോഗത്തിന് യോഗ്യമല്ലാത്ത 144.260 കിലോഗ്രാം ഭക്ഷണസാധനങ്ങൾ പിടിച്ചെടുത്ത് നശിപ്പിച്ചു.

പരിശോധനയിൽ ഗുരുതരമായ നിരവധി വീഴ്ചകളാണ് അധികൃതർ കണ്ടെത്തിയത്. പഴകിയതും കേടായതുമായ ഭക്ഷ്യവസ്തുക്കൾ വിൽപനയ്ക്ക് വയ്ക്കുകയും വിൽക്കുകയും ചെയ്യുക, പൊതു ശുചിത്വ മാനദണ്ഡങ്ങളും തൊഴിൽ സാഹചര്യങ്ങളും പാലിക്കാതിരിക്കുക, കാലാവധി കഴിഞ്ഞ ഹെൽത്ത് ലൈസൻസോടെ സ്ഥാപനം പ്രവർത്തിപ്പിക്കുക തുടങ്ങി നിരവധി ലംഘനങ്ങൾക്കെതിരെ പരിശോധനാ സംഘം നടപടികൾ സ്വീകരിച്ചു. പൊതുജനാരോഗ്യം മുൻനിർത്തി ഭക്ഷ്യ സ്ഥാപനങ്ങൾ കേന്ദ്രീകരിച്ചുള്ള പരിശോധനകൾ വരും ദിവസങ്ങളിലും കർശനമായി തുടരുമെന്ന് അതോറിറ്റി അറിയിച്ചു.

——————