കുവൈറ്റ് കിംഗ് ഫഹദ് റോഡിൽ ( റോഡ് 40 ) ഇന്ന് (08/08/2026) മുതൽ ഗതാഗത നിയന്ത്രണം ; ഫിഫ്ത് റിങ് റോഡിലേക്കുള്ള പാത ഒരു ആഴ്ചത്തേക്ക് അടച്ചിടും

കുവൈറ്റ് സിറ്റി: കുവൈറ്റിലെ പ്രധാന പാതകളിലൊന്നായ കിംഗ് ഫഹദ് ബിൻ അബ്ദുൽ അസീസ് അൽ സൗദ് റോഡിൽ ശനിയാഴ്ച (ഓഗസ്റ്റ് മുതൽ താൽക്കാലിക ഗതാഗത നിയന്ത്രണം ഏർപ്പെടുത്തുന്നതായി ജനറൽ ഡയറക്ടറേറ്റ് ഓഫ് ട്രാഫിക് അറിയിച്ചു. ഇതിന്റെ ഭാഗമായി ഈ റോഡിലെ വലതുവശത്തെ രണ്ട് വരിപ്പാതകൾ (Lanes) അടച്ചിടും.

ബയാൻ പ്രദേശത്തിന് എതിർവശത്തായി സ്ഥിതിചെയ്യുന്ന ഷെയ്ഖ് സായിദ് ബിൻ സുൽത്താൻ അൽ നഹ്യാൻ റോഡിലേക്കുള്ള (അഞ്ചാം റിംഗ് റോഡ്) ഉപപ്രവേശന കവാടവും (Secondary Entrance) ഇതോടൊപ്പം അടച്ചിടുമെന്ന് അധികൃതർ വ്യക്തമാക്കി.

ശനിയാഴ്ച ആരംഭിക്കുന്ന ഈ നിയന്ത്രണങ്ങൾ ഒരു ആഴ്ചത്തേക്ക് പ്രാബല്യത്തിലുണ്ടാകും. വാഹനം ഓടിക്കുന്നവർ ജാഗ്രത പാലിക്കണമെന്നും ട്രാഫിക് മാർഗ്ഗനിർദ്ദേശങ്ങളും ബോർഡുകളും കർശനമായി പിന്തുടരണമെന്നും ആവശ്യപ്പെട്ട അധികൃതർ, ഗതാഗതക്കുരുക്ക് ഒഴിവാക്കാൻ സാധ്യമാകുന്നയിടങ്ങളിൽ ബദൽ റോഡുകൾ ഉപയോഗിക്കണമെന്നും നിർദ്ദേശിച്ചു.