കൊല്ലം: അവധിക്കായി കുവൈത്തിൽ നിന്ന് നാട്ടിലെത്തിയ പ്രവാസി യുവാവ് കൊല്ലത്ത് വാഹനാപകടത്തിൽ മരിച്ചു. കിളികൊല്ലൂർ സൗഹാർദ നഗർ-31, ലിജു ഭവനിൽ സജി തോമസിന്റെയും ലാലി സജിയുടെയും മകൻ ലിജു സജി (26) ആണ് ദാരുണമായി കൊല്ലപ്പെട്ടത്.
കഴിഞ്ഞ ഞായറാഴ്ച വൈകിട്ട് 6.30ഓടെ കൊല്ലം–തിരുമംഗലം ദേശീയപാതയിൽ കോയിക്കൽ പാലക്കടവ് ജങ്ഷന് സമീപമായിരുന്നു അപകടം. ഗുരുതരമായി പരിക്കേറ്റ ലിജുവിനെ ഉടൻ കൊല്ലത്തെ സഹകരണ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
കഴിഞ്ഞ രണ്ടു വർഷമായി കുവൈത്തിലെ അലി അൽഗാനിം ആൻഡ് സൺസ് ഓട്ടോമൊബൈൽ കമ്പനിയുടെ സ്പെയർ പാർട്സ് വിഭാഗത്തിൽ ജോലി ചെയ്തുവരികയായിരുന്ന ലിജു രണ്ടാഴ്ച മുമ്പാണ് അവധിക്കായി നാട്ടിലെത്തിയത്.
More Stories
വൈ. എം. സി. എ കുവൈത്ത് 11-ാമത് എക്യുമെനിക്കൽ ബൈബിൾ ക്വിസ് സംഘടിപ്പിച്ചു; കുവൈത്ത് സിറ്റി മാർത്തോമ്മാ ചർച്ച് വിജയികൾ
ഇൻഫോക് ഹവല്ലി റീജിയൻ പുരുഷ–വനിതാ ക്രിക്കറ്റ് ടീമുകളുടെ ജേഴ്സി പ്രകാശനം ചെയ്തു
മൊബൈൽ ഫോൺകളും , മറ്റ് ഉപകരണങ്ങളും തവണ വ്യവസ്ഥയിൽ വാങ്ങി പണമാക്കി മാറ്റുന്നവർക്കെതിരെ കർശന മുന്നറിയിപ്പുമായി കുവൈറ്റ് ആഭ്യന്തര മന്ത്രാലയം;