കുവൈറ്റ് അൽ-മുത്‌ലാ സിറ്റിയിലെ ഷോപ്പിംഗ് മാളിനുള്ളിൽ ഉയരത്തിൽ നിന്നും വീണ് ഇന്ത്യൻ പ്രവാസിക്ക് ഗുരുതര പരിക്ക്

കുവൈറ്റ് സിറ്റി: അൽ-മുത്‌ലാ സിറ്റിയിലെ ഷോപ്പിംഗ് മാളിനുള്ളിൽ ഉയരത്തിൽ നിന്നും വീണ് ഇന്ത്യൻ പ്രവാസിക്ക് ഗുരുതരമായി പരിക്കേറ്റു. സംഭവത്തിൽ സുരക്ഷാ അധികൃതർ അന്വേഷണം ആരംഭിച്ചതായി പ്രാദേശിക മാധ്യമങ്ങൾ റിപ്പോർട്ട് ചെയ്തു.

അപകടത്തിൽ പരിക്കേറ്റ പ്രവാസിയെ ഉടൻ തന്നെ അൽ-ജഹ്‌റ ആശുപത്രിയിൽ പ്രവേശിപ്പിച്ചു. ആശുപത്രിയിലെ സുരക്ഷാ കേന്ദ്രത്തിൽ നിന്നുള്ള വിവരത്തിന്റെ അടിസ്ഥാനത്തിലാണ് പോലീസ് സംഭവത്തിൽ കേസെടുത്ത് നിയമനടപടികൾ ആരംഭിച്ചത്.

അപകടം സംഭവിച്ച പശ്ചാത്തലവും അതിന്റെ യഥാർത്ഥ കാരണവും കണ്ടെത്താനായി വിശദമായ അന്വേഷണം നടന്നുവരികയാണെന്ന് സുരക്ഷാ വൃത്തങ്ങൾ അറിയിച്ചു.