ഡമാസ്കസ് സ്ട്രീറ്റിനും തേർഡ് റിംഗ് റോഡിനും ഇടയിലുള്ള ഇന്റർസെക്ഷൻ താൽക്കാലികമായി അടച്ചിടും

കുവൈത്ത് സിറ്റി:അറ്റകുറ്റപ്പണികൾ നടക്കുന്നതിനാൽ ഡമാസ്‌കസ് സ്ട്രീറ്റിനും തേർഡ് റിംഗ് റോഡിനും (അബ്ദുള്ള അലി അൽ-മുത്വ സ്ട്രീറ്റ്) ഇടയിലുള്ള ഇന്റർസെക്ഷനിൽ താൽക്കാലികമായി എല്ലാ ദിശകളിലേക്കും ഗതാഗത നിയന്ത്രണം ഏർപ്പെടുത്തിയതായി ജനറൽ ട്രാഫിക് ഡിപ്പാർട്ട്‌മെന്റ് അറിയിച്ചു. റോഡിന്റെ സുരക്ഷയും ഗതാഗത സൗകര്യവും വർദ്ധിപ്പിക്കുന്നതിനുള്ള അടിസ്ഥാന സൗകര്യ വികസന പരിപാടിയുടെ ഭാഗമായാണ് ഈ നടപടി.

• അടച്ചിടുന്ന തിയതി: 2025 നവംബർ 12, ബുധനാഴ്ച
• പുനരാരംഭിക്കുന്ന തിയതി: 2025 നവംബർ 19, ബുധനാഴ്ച
• സ്ഥലം: ഡമാസ്‌കസ് സ്ട്രീറ്റും തേർഡ് റിംഗ് റോഡും (അബ്ദുള്ള അലി അൽ-മുത്വ സ്ട്രീറ്റ്) സംഗമിക്കുന്ന കവല (എല്ലാ ദിശകളിലേക്കുമുള്ള ഗതാഗതം താൽക്കാലികമായി നിരോധിച്ചു).

നിർദ്ദേശങ്ങൾ

അടച്ചിടുന്ന ദിവസങ്ങളിൽ വാഹന യാത്രികർ ഇതര വഴികൾ ഉപയോഗിക്കേണ്ടതും, സ്ഥാപിച്ചിട്ടുള്ള ദിശാസൂചന ബോർഡുകളും, സ്ഥലത്ത് നിയോഗിച്ചിട്ടുള്ള ട്രാഫിക് ഉദ്യോഗസ്ഥരുടെ നിർദ്ദേശങ്ങളും കർശനമായി പാലിക്കേണ്ടതുമാണ്.

റോഡ് അറ്റകുറ്റപ്പണികൾ നടക്കുന്ന സ്ഥലത്ത് വേഗത കുറച്ച് അതീവ ജാഗ്രതയോടെ വാഹനമോടിക്കണമെന്നും, പൊതുസുരക്ഷ ഉറപ്പാക്കുന്നതിനായി ട്രാഫിക് പോലീസുമായി സഹകരിക്കണമെന്നും അധികൃതർ അഭ്യർത്ഥിച്ചു. താൽക്കാലികമായുണ്ടാവുന്ന ഈ ബുദ്ധിമുട്ടുകൾ ദീർഘകാലാടിസ്ഥാനത്തിൽ റോഡ് വികസനത്തിന് അനിവാര്യമാണെന്നും വകുപ്പ് കൂട്ടിച്ചേർത്തു.