ലുലു ഹൈപ്പർമാർക്കറ്റിൽ ‘സ്ലിപ്പ് ഇൻറ്റു സമ്മർ 2025’ ന് വർണ്ണാഭമായ തുടക്കം

കുവൈറ്റ് സിറ്റി: ലുലു ഹൈപ്പർമാർക്കറ്റിന്റെ ഏറെ പ്രതീക്ഷയോടെ കാത്തിരുന്ന സമ്മർ ഫാഷൻ പ്രൊമോഷനായ ‘സ്ലിപ്പ് ഇൻറ്റു സമ്മർ 2025’ ന് അൽ റായ് ഔട്ട്‌ലെറ്റിൽ വർണ്ണാഭമായ തുടക്കമായി. സ്റ്റൈൽ, ആകർഷകമായ വിലക്കുറവ്, ഏറ്റവും പുതിയ ഫാഷൻ ട്രെൻഡുകൾ എന്നിവ ഒരുമിപ്പിച്ചുകൊണ്ടുള്ള ഈ ഫാഷൻ മാമാങ്കം, പ്രമുഖ ഫാഷൻ ഇൻഫ്ലുവൻസർമാർ, ബ്ലോഗർമാർ, ലുലു മാനേജ്‌മെന്റ് പ്രതിനിധികൾ എന്നിവർ ചേർന്ന് ജൂലൈ 12-ന് ഉദ്ഘാടനം ചെയ്തു. നിരവധി പേർ പങ്കെടുത്ത ചടങ്ങോടെ, കുവൈറ്റിലെ എല്ലാ ലുലു ഹൈപ്പർമാർക്കറ്റുകളിലും ഫാഷൻ വിസ്മയമൊരുക്കുന്ന ഷോപ്പിംഗ് മാമാങ്കത്തിന് തുടക്കമിട്ടു.

ജൂലൈ 12 മുതൽ 19 വരെ നടക്കുന്ന പ്രൊമോഷനിൽ പുരുഷന്മാർക്കും സ്ത്രീകൾക്കും കുട്ടികൾക്കുമുള്ള ഏറ്റവും പുതിയ സമ്മർ കളക്ഷനുകൾക്ക് വൻ വിലക്കിഴിവുകളാണ് ഒരുക്കിയിരിക്കുന്നത്. ട്രെൻഡി വസ്ത്രങ്ങൾ, ആകർഷകമായ പാദരക്ഷകൾ, സ്റ്റൈലിഷ് ലേഡീസ് ബാഗുകൾ എന്നിവയുടെ വിപുലമായ ശേഖരം ഉപഭോക്താക്കൾക്ക് തിരഞ്ഞെടുക്കാം. ഈറ്റൻ, കോർട്ടിജിയാനി, ടോം സ്മിത്ത്, ഡിബാക്കേഴ്‌സ്, മാർക്കോ ഡൊണാറ്റെലി, ജോൺ ലൂയിസ്, റിയോ തുടങ്ങിയ പ്രമുഖ ഫാഷൻ ബ്രാൻഡുകൾക്ക് ആകർഷകമായ ഡിസ്‌കൗണ്ടുകൾ ലഭ്യമാണ്.

ഇതിനോടൊപ്പം ഒരു പ്രത്യേക ഓഫറും ഉപഭോക്താക്കളെ കാത്തിരിക്കുന്നു: 10 ദിനാർ പർച്ചേസ് ചെയ്യുമ്പോൾ 2.5 ദിനാറിന്റെ വൗച്ചർ സ്വന്തമാക്കാം.

അൽ റായ് ഔട്ട്‌ലെറ്റിൽ നടന്ന ഉദ്ഘാടന ചടങ്ങ് ഏറെ ആവേശകരമായിരുന്നു. പ്രമുഖ ഫാഷൻ വ്ലോഗർമാരും ഇൻഫ്ലുവൻസർമാരും അണിനിരന്ന മോഡലിംഗ് ഷോയിൽ പുതിയ സമ്മർ കളക്ഷനുകളുടെ പ്രിവ്യൂ അവതരിപ്പിച്ചു. കുട്ടികൾക്കായി ഒരുക്കിയ ഫാഷൻ ഷോയായിരുന്നു ചടങ്ങിലെ പ്രധാന ആകർഷണം. 50-ൽ അധികം കുട്ടികൾ ഏറ്റവും പുതിയ കിഡ്‌സ് വെയർ ട്രെൻഡുകളുമായി റാംപിൽ ചുവടുവെച്ചു. ഫാഷൻ ഷോയിലെ വിജയികൾക്ക് ആകർഷകമായ സമ്മാനങ്ങളും വിതരണം ചെയ്തു.

മികച്ച ഫാഷൻ, കുടുംബത്തോടൊപ്പമുള്ള വിനോദം, അതിശയകരമായ ഡീലുകൾ എന്നിവ ഒത്തുചേരുന്ന ലുലു ഹൈപ്പർമാർക്കറ്റിന്റെ ‘സ്ലിപ്പ് ഇൻറ്റു സമ്മർ 2025’, ഈ വേനൽക്കാലത്ത് സ്റ്റൈലായിരിക്കാൻ ആഗ്രഹിക്കുന്ന ഏതൊരാൾക്കും ഒഴിവാക്കാനാവാത്ത ഷോപ്പിംഗ് അനുഭവമായിരിക്കും.