വ്യാജ ജോലി പരസ്യങ്ങൾക്കെതിരെ മുന്നറിയിപ്പുമായി കുവൈറ്റ് എയർവേയ്‌സ്

സാമൂഹിക മാധ്യമങ്ങളിൽ ഷെയർ ചെയ്യപ്പെടുന്ന വ്യാജ തൊഴിൽ പരസ്യങ്ങൾക്കെതിരെ മുന്നറിയിപ്പുമായി കുവൈറ്റ് എയർവേയ്‌സ് . ശമ്പളം, ആനുകൂല്യങ്ങൾ, വിവിധ തസ്തികകളിലെ ജോലി ഒഴിവുകൾ എന്നിവയെക്കുറിച്ചുള്ള തെറ്റായ വിവരങ്ങൾ സാമൂഹിക മാധ്യമങ്ങളിൽ പ്രത്യക്ഷപ്പെടുന്നതിനെതിരെയാണ് മുന്നറിയിപ്പ് നൽകിയത് . ഔദ്യോഗിക വെബ്‌സൈറ്റ് വഴിയും ഔദ്യോഗിക സോഷ്യൽ മീഡിയ അക്കൗണ്ടുകൾ വഴിയും മാത്രമേ ജോലി പ്രഖ്യാപനങ്ങൾ പരസ്യപ്പെടുത്തുകയുള്ളൂ എന്ന് എയർലൈൻ വ്യക്തമാക്കി.

അനൗദ്യോഗിക ഉറവിടങ്ങളെയോ ലിങ്കുകളെയോ വിശ്വസിക്കരുതെന്ന് അധികൃതർ വ്യക്തമാക്കി. കമ്പനിയുടെ പ്രശസ്തിക്ക് കോട്ടം വരുത്തുന്നതും തൊഴിലന്വേഷകരെ തെറ്റിദ്ധരിപ്പിക്കുന്നതുമായ ഈ തെറ്റായ പരസ്യങ്ങൾ പ്രചരിപ്പിച്ചതിന് ഉത്തരവാദികളായവർക്കെതിരെ നിയമനടപടി സ്വീകരിച്ചിട്ടുണ്ടെന്നും കുവൈറ്റ് എയർവേയ്‌സ് അറിയിച്ചു . കുവൈറ്റ് എയർവേയ്‌സിലെ ഏതൊരു തൊഴിൽ അവസരത്തിനും എല്ലാവരും ജാഗ്രത പാലിക്കണമെന്നും വിശ്വസനീയമായ ഉറവിടങ്ങളെ മാത്രം ആശ്രയിക്കണമെന്നും കമ്പനി അഭ്യർത്ഥിച്ചു.