ഗൾഫ് മേഖലയിൽ ഏറ്റവും ജീവിതച്ചെലവ് കുറഞ്ഞ  നഗരമായി കുവൈറ്റ് സിറ്റി

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി: നുംബെയോ വെബ്‌സൈറ്റ് അനുസരിച്ച്, 2024 ലെ ജീവിതച്ചെലവ് സൂചികയിൽ ആഗോളതലത്തിൽ 218-ാം സ്ഥാനം ഉറപ്പാക്കിക്കൊണ്ട് ഏറ്റവും ജീവിതച്ചെലവ് കുറഞ്ഞ ഗൾഫ് നഗരമായി കുവൈറ്റ് തിരഞ്ഞെടുക്കപ്പെട്ടു.

ലോകമെമ്പാടുമുള്ള 362 നഗരങ്ങളിലെ ഉപഭോക്തൃ വസ്തുക്കളുടെ ,താമസ ചെലവുകൾ ഒഴികെ,  ആപേക്ഷിക വില സൂചിക വിലയിരുത്തുന്നതായി അൽ-റായി ദിനപത്രം റിപ്പോർട്ട് ചെയ്യുന്നു.

ഏറ്റവും ചെലവേറിയ ഗൾഫ് നഗരങ്ങളുടെ പട്ടികയിൽ, ദുബായ് നഗരത്തിനാണ് ഒന്നാം സ്ഥാനം.  അബുദാബി, ദോഹ, മനാമ, റിയാദ്, ജിദ്ദ, ഷാർജ, മസ്‌കറ്റ്, കുവൈറ്റ് എന്നി നഗരങ്ങളാണ്  തൊട്ടുപിന്നിൽ.

കൂടാതെ, 2024 ലെ സുരക്ഷിത രാജ്യങ്ങളുടെ സൂചികയിൽ 100-ൽ 67.1 സ്‌കോറോടെ, ഗൾഫ്, അറബ് രാജ്യങ്ങളിൽ കുവൈത്തിന് അഞ്ചാം സ്ഥാനവും ആഗോളതലത്തിൽ 30-ാം സ്ഥാനവും നംബിയോ വെബ്‌സൈറ്റ് നൽകി .
അറബ് ലോകത്തും ആഗോളതലത്തിലും യുഎഇ ഒന്നാം സ്ഥാനം ഉറപ്പിച്ചു, ഖത്തർ, ഒമാൻ, സൗദി അറേബ്യ എന്നിവ തൊട്ടുപിന്നിൽ.