കഴിഞ്ഞ മൂന്നു മാസങ്ങളിൽ   913 പ്രവാസികളുടെ ഡ്രൈവിംഗ് ലൈസൻസുകൾ സസ്പെൻഡ് ചെയ്തു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി :  2023 രണ്ടാം പാദത്തിൽ 913 പ്രവാസികളുടെ ഡ്രൈവിംഗ് ലൈസൻസുകൾ സസ്പെൻഡ് ചെയ്തു. 2023-ന്റെ രണ്ടാം പാദത്തിൽ പ്രവാസികളുടെ 913 ഡ്രൈവിംഗ് ലൈസൻസുകൾ ട്രാഫിക് ഡിപ്പാർട്ട്മെന്റ് സസ്‌പെൻഡ് ചെയ്തു. വിവിധ നിയമലംഘനങ്ങളുടെ പേരിലാണ് സസ്‌പെൻഷൻ.  മൂന്ന് മാസം മുതൽ ഒരു വർഷം വരെ ലൈസൻസുകൾ സസ്പെൻഡ് ചെയ്യുകയും ചില കേസുകളിൽ സ്ഥിരം റദ്ദാക്കുകയും ചെയ്തു.

ഫോൺ ഉപയോഗിക്കുന്നത് 2 പെനാൽറ്റി പോയിന്റുകളുള്ള ഗുരുതരമായ ലംഘനമാണെന്നും ചുവന്ന ലൈറ്റ് മുറിച്ചുകടക്കുന്നതിനോ അമിതവേഗതയിലേക്കോ പോയാൽ 4 പോയിന്റുകളുമുണ്ടെന്ന് അധികൃതർ ആവർത്തിച്ചു.

14 പെനാൽറ്റി പോയിന്റുള്ളവർക്കാണ് ആദ്യ സസ്പെൻഷൻ. അങ്ങനെ ഉള്ളവർക്ക്  3 മാസത്തേക്ക് ലൈസൻസ് പിൻവലിക്കും .  ഡ്രൈവർ അധിക നിയമലംഘനങ്ങൾ നടത്തുകയും 12 പോയിന്റുകൾ ശേഖരിക്കുകയും ചെയ്താൽ, ലൈസൻസ് 6 മാസത്തേക്ക് പിൻവലിക്കും.  10 അധിക പോയിന്റുകൾക്ക് ശേഷം, ലൈസൻസ് 9 മാസത്തേക്ക് പിൻവലിക്കും.  8 അധിക പോയിന്റുകൾ രേഖപ്പെടുത്തുമ്പോൾ ഒരു വർഷത്തേക്ക് ഇത് പിൻവലിക്കും.  6 പെനാൽറ്റി പോയിന്റുകൾ കൂടി ലഭിച്ചാൽ ലൈസൻസ് സ്ഥിരമായി റദ്ദാക്കപ്പെടും.