കുവൈറ്റിൽ ആരോഗ്യമന്ത്രാലയത്തിന്റെ ആശുപത്രികളിൽ നിന്നും പ്രവാസികളുടെ ചികിത്സ ഒഴിവാക്കുന്നു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി: കുവൈറ്റിൽ ആരോഗ്യമന്ത്രാലയത്തിന്റെ ആശുപത്രികളിൽ നിന്നും പ്രവാസികളുടെ ചികിത്സ ഒഴിവാക്കുന്നു.
ആരോഗ്യ മന്ത്രാലയവും ഹെൽത്ത് അഷ്വറൻസ് ഹോസ്പിറ്റൽസ് കമ്പനി (ദമാൻ) അധികൃതരും  നടത്തിയ കൂടിക്കാഴ്ചയിൽ പ്രവാസികളെ സ്വീകരിക്കുന്നതിനും സർക്കാർ ആശുപത്രികൾക്ക് പകരം അവിടെ ചികിത്സ ആരംഭിക്കുന്നതിനുമുള്ള കമ്പനിയുടെ പദ്ധതി വേഗത്തിലാക്കാൻ ധാരണയായതായി ഔദ്യോഗിക വൃത്തങ്ങൾ വെളിപ്പെടുത്തി.  ഇതോടെ സർക്കാർ ക്ലിനിക്കുകളും ആശുപത്രികളും ചികിത്സാ സൗകര്യങ്ങൾ കുവൈറ്റികൾക്ക് മാത്രമായി പരിമിതപ്പെടുത്തും.

അടുത്ത വർഷം മുതൽ സ്വകാര്യമേഖലയിലെ എല്ലാ തൊഴിലാളികളെയും സ്വീകരിക്കാൻ ദമാൻ കമ്പനിയുമായി പ്രാരംഭ കരാർ ഉണ്ടാക്കിയതായി ഔദ്യോഗിക വൃത്തങ്ങൾ സൂചിപ്പിച്ചു.   പൊതു ക്ലിനിക്കുകളിലും ആശുപത്രികളിലും സർക്കാർ മേഖലയിൽ ജോലി ചെയ്യുന്ന പ്രവാസികൾക്ക് മാത്രമായി ചികിത്സാ പരിമിതപ്പെടുത്തും. അടുത്ത പടിയായി സർക്കാർ ആശുപത്രികളിലെ ചികിത്സയിൽ നിന്ന് അവരെയും  ഒഴിവാക്കും.

ജാബർ ആശുപത്രിയിലെ ചികിത്സ കുവൈറ്റികൾക്ക് മാത്രമായി നിജപ്പെടുത്തിയിട്ടുണ്ടെന്ന് ആരോഗ്യ മന്ത്രാലയ വൃത്തങ്ങൾ സൂചിപ്പിച്ചു.  ഇത് ഔദ്യോഗികമായി,  പുതിയ ജഹ്‌റ ആശുപത്രിയിലും അതുപോലെ തന്നെ ആദ്യ പ്രവർത്തന ഘട്ടം അടുത്തിടെ ഉദ്ഘാടനം ചെയ്ത പുതിയ ഫർവാനിയ ആശുപത്രിക്കും ബാധകമാകും. അമീരി ഹോസ്പിറ്റലിൽ നിന്നും പിന്നീട് സബാ ഹോസ്പിറ്റലിൽ നിന്നും തുടങ്ങി പിന്നീടുള്ള ഘട്ടത്തിൽ എല്ലാ ആശുപത്രികളിലും ഈ റിസർവേഷൻ നടപ്പിലാക്കും.

ഗുരുതരമായ രോഗങ്ങളാൽ ബുദ്ധിമുട്ടുന്നവരോ അപകടങ്ങളിൽ പെടുന്നവരോ ആയ പ്രവാസികളെ സർക്കാർ ആശുപത്രികളിൽ സ്വീകരിക്കാമെന്ന് വൃത്തങ്ങൾ സൂചിപ്പിച്ചു, കാരണം ഇവ അടിയന്തിര മെഡിക്കൽ കേസുകളായതിനാൽ കാലതാമസം വരുത്താൻ കഴിയില്ല. പ്രവാസികൾക്കുള്ള ആരോഗ്യ ഇൻഷുറൻസ് ചർച്ച ചെയ്ത് ഉചിതമായ തീരുമാനങ്ങൾ കൈക്കൊള്ളുമെന്നും അതിലൂടെ ഒരു താമസക്കാരന് ധമാൻ ആശുപത്രികളിലോ മറ്റ് സ്വകാര്യ ആശുപത്രികളിലോ ചികിത്സ തിരഞ്ഞെടുക്കാമെന്നും ഔദ്യോഗിക വൃത്തങ്ങൾ അറിയിച്ചു.