കുവൈത്തിൽ കുടുംബ, സന്ദർശക,വിനോദസഞ്ചാര വിസകൾ നിർത്തിവെച്ചു .

കുവൈറ്റ് സിറ്റി :കുവൈത്തിൽ കുടുംബ, സന്ദർശക,വിനോദസഞ്ചാര വിസകൾ അനുവദിക്കുന്നത്‌ താൽക്കാലികമായി നിർത്തിവെച്ചു.ജൂൺ 28 തിങ്കളാഴ്ച മുതൽ നിയമം പ്രാബല്യത്തിൽ വരും .ആഭ്യന്തര മന്ത്രി ഷെയ്ഖ് അഹമ്മദ് അൽ നവാഫിന്റെ നിർദ്ദേശത്തെ തുടർന്നാണു നടപടിയെന്ന് മന്ത്രാലയ വൃത്തങ്ങളെ ഉദ്ധരിച്ച്‌ പ്രാദേശിക ദിന പത്രം റിപ്പോർട്ട്‌ ചെയ്തു.വിസ നടപടികൾക്ക് പുതിയ സംവിധാനം കൊണ്ടുവരുന്നതിന് മുന്നോടിയായിയാണ് നടപടിയെന്ന് മന്ത്രാലയം വ്യക്തമാക്കി.