കുവൈറ്റിൽ  കോവിഡ്  ബൂസ്റ്റർ ഡോസ് സ്വീകരിച്ചവരുടെ എണ്ണം 13 ലക്ഷം കടന്നു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : ആരോഗ്യ മന്ത്രാലയത്തിന്റെ വാക്സിനേഷൻ കേന്ദ്രങ്ങളിലും  കൊറോണ വൈറസ് പ്രതിരോധ വാക്സിനുകൾ  സ്വദേശികൾക്കും വിദേശികൾക്കും ഇപ്പോഴും  നൽകുന്നതായി ആരോഗ്യ മന്ത്രാലയം അറിയിച്ചു.

കുവൈറ്റ് വാക്‌സിനേഷൻ സെന്ററിൽ മിഷ്‌റെഫിൽ ബൂസ്റ്റർ ഡോസ് സ്വീകരിച്ചവർ 1,330,401 പേരും, ആദ്യ ഡോസ് എടുത്തവരുടെ എണ്ണം 3,429,292  (87.44% )ആണ്.  അതേസമയം രണ്ട് ഡോസുകൾ എടുത്തവരുടെ എണ്ണം 3,316,316  (84.55% ) ആയതായി പ്രാദേശിക  ദിനപത്രം റിപ്പോർട്ട് ചെയ്യുന്നു.