കൊച്ചിയിൽ നിന്നും കുവൈത്തിലേക്കുള്ള വിമാനം മുടങ്ങി

ന്യൂസ് ബ്യൂറോ, കൊച്ചി

കൊച്ചി : നെടുമ്പാശ്ശേരി അന്താരാഷ്ട്ര
വിമാനത്താവളത്തിൽനിന്നു ഇന്ന്
പുലർച്ചെ മൂന്നു മണിക്കു പുറപ്പെടേണ്ടിയിരുന്ന വിമാനത്തിന്റെ യാത മാറ്റിവച്ചതിൽ യാത്രക്കാർ പ്രതിഷേധിച്ചു.180 യാത്രക്കാരുമായി
കുവൈത്തിലേയ്ക്കുള്ള ജസീറ
എയർലൈൻസിന്റെ വിമാനമാണു സാങ്കേതിക തകരാറിനെ തുടർന്നു പറക്കാതിരുന്നത്.
യാത്രക്കാരുടെ പരിശോധനകളെല്ലാം
പൂർത്തിയാക്കി വിമാനത്തിൽ കയറ്റിയ
ശേഷമാണ് സാങ്കേതിക തകരാർ
ശ്രദ്ധയിൽപ്പെട്ടത്. ഇതോടെ യാത്ര
മാറ്റിവയ്ക്കുകയായിരുന്നു.

യാത്ര റദ്ദാക്കി ആളുകളെ വിമാനത്തിൽനിന്ന് ഇറക്കിയതോടെ ഒരുസംഘം പ്രതിഷേധവുമായി രംഗത്തെത്തി.ഇവരെ കുവൈത്തിലേയ്ക്ക്
കൊണ്ടുപോകുന്നതിനുള്ള ബദൽ
സംവിധാനങ്ങൾ ഒരുക്കിയില്ലെന്നാണ് ആരോപണം. അതേസമയം, തകരാർ പരിഹരിച്ചു വിമാനം ഉടൻ പുറപ്പെടുമെന്ന് അധികൃതർ
അറിയിച്ചു.

https://chat.whatsapp.com/EM3JJuHtBEh1sm3y2mMBgn