വിദേശ പൗരന്‍മാര്‍ക്കായി ഇന്ത്യയുടെ ‘ആയുഷ് വീസ’; അനുവദിക്കുക ആയുര്‍വേദ ചികിത്സയ്ക്കായി വരുന്നവര്‍ക്ക്

ന്യൂസ് ബ്യൂറോ, ദില്ലി

അഹമ്മദാബാദ്: വിദേശ പൗരന്‍മാര്‍ക്കായി ഇന്ത്യ ആയുഷ് വീസ കൊണ്ടുവരുന്നു. ആയുര്‍വേദ ചികിത്സയ്ക്കായി വരുന്നവര്‍ക്ക് വേണ്ടിയാണ് പ്രത്യേക വീസ കൊണ്ടു വരുന്നതെന്ന് പ്രധാനമന്ത്രി നരേന്ദ്രമോദി പറഞ്ഞു.

ഗാന്ധി നഗറില്‍ ആഗോള ആയുഷ് നിക്ഷേപ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ആയുര്‍വേദ മരുന്നുകളുടെ കയറ്റുമതിയില്‍ ഗുണ നിലവാരം ഉറപ്പ് വരുത്തുമെന്നും അദ്ദേഹം പറഞ്ഞു. പാരമ്ബര്യ അറിവുകള്‍ ലോകത്തിനാകെ ഗുണപ്രദമാവുന്ന രീതിയില്‍ ഉപയോഗപ്പെടുത്താന്‍ ‍സര്‍ക്കാരുകളുടെ ഇടപെടല്‍ വേണമെന്ന് WHO തലവന്‍ ടെഡ്രോസ് ഗബ്രിയേസസ് ചടങ്ങില്‍ പറഞ്ഞു. മൗറീഷ്യസ് പ്രധാനമന്ത്രി, ഗുജറാത്ത് മുഖ്യമന്ത്രി എന്നിവരും പരിപാടിയില്‍ പങ്കെടുത്തു.