കുവൈറ്റിൽ പൊതുമേഖലയിൽ റമദാൻ മാസത്തിൽ ജോലി സമയം പുനഃക്രമീകരിച്ചു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : കുവൈറ്റിൽ പൊതുമേഖലയിൽ റമദാൻ മാസത്തിൽ ജോലി സമയം പുനഃക്രമീകരിച്ചു.സിവിൽ സർവീസ് ബ്യൂറോ പുറത്തിറക്കിയ സർക്കുലർ പ്രകാരം പൊതുമേഖലയിലെ 22 മന്ത്രാലയങ്ങളിലെ റമദാൻ മാസത്തെ ഔദ്യോഗിക ജോലി സമയം  രാവിലെ ഒമ്പത് മുപ്പത് മുതൽ ഉച്ചയ്ക്ക് രണ്ട് വരെ ആയിരിക്കും.

വാണിജ്യം, എൻഡോവ്‌മെന്റുകൾ, നീതിന്യായം, ഉന്നത വിദ്യാഭ്യാസം, ഗതാഗതം, വിദ്യാഭ്യാസം, മാധ്യമങ്ങൾ, പബ്ലിക് കോർപ്പറേഷൻ ഫോർ ഹൗസിംഗ് വെൽഫെയർ, തുറമുഖ കോർപ്പറേഷൻ, കൃഷികാര്യ, മത്സ്യവിഭവങ്ങൾക്കുള്ള പബ്ലിക് അതോറിറ്റി,  യുവാക്കൾക്കായുള്ള അതോറിറ്റി, സ്പോർട്സ്, ജനറൽ അതോറിറ്റി പരിസ്ഥിതി, വ്യവസായ പൊതു അതോറിറ്റി, മൈനേഴ്സ് അഫയേഴ്സ് പബ്ലിക് അതോറിറ്റി, കസ്റ്റംസ് ജനറൽ അഡ്മിനിസ്ട്രേഷൻ, ഫയർഫോഴ്സ്, ക്രെഡിറ്റ് ബാങ്ക്, സകാത്ത് ഹൗസ്, കുവൈറ്റ് മുനിസിപ്പാലിറ്റി, നാഷണൽ കൗൺസിൽ ഫോർ കൾച്ചർ, കലകളും അക്ഷരങ്ങളും  എന്നീ മന്ത്രാലയങ്ങളിലാണ് ജോലി സമയം പുന ക്രമീകരിച്ചിരിക്കുന്നത്.