നിർമ്മാണത്തിലിരിക്കുന്ന പാലത്തിൽ ട്രക്ക് ഇടിച്ച് അപകടം ; ഡ്രൈവർക്കെതിരെ കേസ്

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : അഞ്ചാം നമ്പർ റോഡിൽ ട്രക്ക് ഇടിച്ച് പാലത്തിന്റെ ചില ഭാഗങ്ങൾ വീണ് ഗതാഗതം തടസ്സപ്പെടുത്താൻ കാരണമായ ട്രക്ക് ഡ്രൈവർക്കെതിരെ ആവശ്യമായ നിയമനടപടികൾ സ്വീകരിച്ചുവരികയാണെന്ന് കുവൈറ്റ് ആഭ്യന്തര മന്ത്രാലയം അറിയിച്ചു.

റബീഹ് പോലീസ് സ്റ്റേഷനിൽ കേസ് രജിസ്റ്റർ ചെയ്തു.

അവന്യൂസ് മാളിന് സമീപമുള്ള അഞ്ചാമത്തെ റിംഗ് റോഡിലെ നിർമ്മാണത്തിലിരിക്കുന്ന പാലത്തിൽ ട്രക്ക് ഇടിച്ചാണ് ഇരുമ്പ് തൂണുകളിലൊന്ന് വാഹനത്തിന് മുകളിൽ വീണത് .  ഇത് റോഡിൽ വൻ ഗതാഗതക്കുരുക്കിന് കാരണമായി.  പാലത്തിൽ നിന്ന് വീണ ഇരുമ്പ് തൂണുകളിൽ ഒന്ന് മാറ്റി രണ്ട് മണിക്കൂറിനുള്ളിൽ റോഡ് ഗതാഗതം പുനഃസ്ഥാപിച്ചു.