രാജ്യത്തെ ഡെലിവറി വ്യവസായ മേഖലയിൽ നിയന്ത്രണ പരിഷ്കരണങ്ങൾ കൊണ്ടുവരുന്നതിനുള്ള നീക്കങ്ങൾ സജീവമാക്കി വാണിജ്യ വ്യവസായ മന്ത്രി

രാജ്യത്തെ ഡെലിവറി വ്യവസായ മേഖലയിൽ നിയന്ത്രണ പരിഷ്കരണങ്ങൾ കൊണ്ടുവരുന്നതിനുള്ള നീക്കങ്ങൾ സജീവമാക്കി വാണിജ്യ വ്യവസായ മന്ത്രി ഖലീഫ അൽ അജീൽ. സുതാര്യത വർദ്ധിപ്പിക്കാനും ഉപഭോക്തൃ വിവരങ്ങൾ സംരക്ഷിക്കാനും ന്യായമായ മത്സരം ഉറപ്പാക്കാനും ലക്ഷ്യമിട്ടാണ് ഈ നീക്കം.

നിയമ പരിഷ്കരണത്തിന്റെ ലക്ഷ്യങ്ങൾ:

• പൊതുവായ നിയമ ചട്ടക്കൂട്: ഡെലിവറി മേഖലക്കായി ഏകീകൃതമായ നിയമങ്ങളും ചട്ടങ്ങളും രൂപീകരിക്കും.
• സുതാര്യതയും ഉപഭോക്തൃ സംരക്ഷണവും: സേവന നിലവാരം, സുതാര്യത, ഉപഭോക്താക്കളുടെ അഭിപ്രായങ്ങൾ, പരാതികൾ എന്നിവ കൈകാര്യം ചെയ്യുന്നതിനുള്ള വ്യക്തമായ സംവിധാനങ്ങൾ ഉറപ്പാക്കും.
• നിക്ഷേപക സൗഹൃദ അന്തരീക്ഷം: നിക്ഷേപകരെ ആകർഷിക്കുന്നതിനായി കൂടുതൽ സുതാര്യമായ ബിസിനസ്സ് അന്തരീക്ഷം സൃഷ്ടിക്കും.

പുതിയ നിയമങ്ങളെക്കുറിച്ച് ഡെലിവറി കമ്പനി ജീവനക്കാരെ ബോധവത്കരിക്കുന്നതിനായി കോമ്പറ്റീഷൻ പ്രൊട്ടക്ഷൻ അതോറിറ്റി വർക്ക്‌ഷോപ്പുകൾ സംഘടിപ്പിക്കാൻ ഒരുങ്ങുകയാണ്. മന്ത്രിയുടെ ഈ നീക്കത്തോട് പൂർണ്ണമായി സഹകരിക്കാൻ തയ്യാറാണെന്ന് ഡെലിവറി കമ്പനി പ്രതിനിധികൾ അറിയിച്ചു.