കുവൈറ്റിലെ ആർട്ടിസ്റ്റുകളുടെ കലാസംഘടനയായ ഇന്റർനാഷണൽ ആർട്ടിസ്റ്റ് സ്പേസ് കുവൈറ്റ് (IASK) കുട്ടികൾക്കും മുതിർന്നവർക്കുമായി പ്രത്യേക ‘ചാർക്കോൾ ആർട്ട് വർക്ക്ഷോപ്പ്’ അബ്ബാസിയ ശ്രീരാഗം ഓഡിറ്റോറിയത്തിൽ സംഘടിപ്പിച്ചു.
ചിത്രകലയിൽ താൽപ്പര്യമുള്ളവരെ പ്രോത്സാഹിപ്പിക്കുകയും, ചാർക്കോൾ മീഡിയത്തിൽ പുതിയ പരീക്ഷണങ്ങൾ നടത്താൻ അവസരം ഒരുക്കുകയും ചെയ്ത ഈ പരിശീലന ശിബിരത്തിൽ നിരവധി കലാകാരന്മാർ പങ്കെടുത്തു.
പ്രശസ്ത ആർട്ടിസ്റ്റ് അവിനേഷ് നയിച്ച വർക്ക്ഷോപ്പിൽ സ്കെച്ച് ചെയ്യൽ, ഷേഡിങ്, ടോണിംഗ്, കാമ്പോസിഷൻ തുടങ്ങിയ ചാർക്കോൾ ഡ്രോയിംഗിന്റെ പ്രധാന സാങ്കേതികതകൾ പരിചയപ്പെടുത്തുകയുണ്ടായി. കലാരംഗത്ത് പുതുതായി ഇടംനേടാൻ ആഗ്രഹിക്കുന്ന കുട്ടികൾക്കും കൗമാരക്കാർക്കും മാത്രമല്ല, തങ്ങളുടെ കഴിവുകൾ മെച്ചപ്പെടുത്താൻ ആഗ്രഹിക്കുന്ന മുതിർന്നവർക്കും ഈ വർക്ക്ഷോപ്പ് വലിയ പ്രയോജനമായി.
InASK പ്രസിഡന്റ് ആർട്ടിസ്റ്റ് സുനിൽ കുളനട അദ്യക്ഷത വഹിച്ച പരിപാടിക്ക് സെക്രട്ടറി ശ്രീകുമാർ വല്ലന സ്വാഗതാവും. ട്രെഷറർ ശിവകുമാർ തിരുവല്ല നന്ദിയും രേഖപ്പെടുത്തി.പരിപാടിക്ക് InASK എക്സിക്യൂട്ടീവ് അംഗങ്ങളായ ഹരി ചെങ്ങന്നൂർ സുനിൽ പൂക്കോട് ജെസ്നി ഷമീർ എന്നിവർ നേതൃത്വം നൽകി.
കലാസ്നേഹികൾക്കായി കൂടുതൽ സൃഷ്ടിപരമായ പരിപാടികളും പരിശീലനങ്ങളും തുടർന്നും സംഘടിപ്പിക്കുമെന്ന് InASK പ്രതിനിധികൾ അറിയിച്ചു.
More Stories
കുവൈറ്റ് ഹവല്ലി, മുബാറക് അൽ കബീർ മേഖലകളിൽ സാങ്കേതിക തകരാറിനെ തുടർന്ന് വൈദ്യുതി മുടങ്ങി : പുനഃസ്ഥാപിക്കാൻ അടിയന്തര നടപടി
അപകടകരമായും അശ്രദ്ധമായും വാഹനമോടിച്ചയാളെ അറസ്റ്റ് ചെയ്ത് കുവൈറ്റ് ജനറൽ ട്രാഫിക് ഡിപ്പാർട്ട്മെന്റ് ; വാഹനം പിടിച്ചെടുത്ത് പൊളിച്ചുനീക്കി
കുവൈറ്റ് സിറ്റിയിൽ പാർപ്പിട സമുച്ചയത്തിൽ ഡ്രോൺ ആക്രമണത്തെ തുടർന്നുണ്ടായ തീപിടുത്തം നിയന്ത്രണവിധേയമാക്കിയതായി ഫയർ ഫോഴ്സ് ; ആളപായമില്ല