കുവൈറ്റ് ചുട്ടുപൊള്ളുന്നു : താപനില 52 ഡിഗ്രി സെൽഷ്യസ് !

ന്യൂസ് ബ്യൂറോ , കുവൈറ്റ്

കുവൈറ്റ് സിറ്റി :  ചുട്ടുപൊള്ളുന്ന ചൂടിലേക്ക് കുവൈറ്റ്.  താപനില 52 ഡിഗ്രി സെൽഷ്യസ് കടന്നേക്കുമെന്ന് കാലാവസ്ഥാ നിരീക്ഷകൻ ഫഹദ് അൽ ഒതൈബിയെ ഉദ്ധരിച്ച് പ്രാദേശിക ദിനപത്രം റിപ്പോർട്ട് ചെയ്തു.   അന്തരീക്ഷത്തിൽ ഇന്ന് മുതൽ ശക്തമായ ചൂട് വീശുമെന്ന് പ്രതീക്ഷിക്കുന്നു.

കാലാവസ്ഥ സ്ഥിരത കൈവരിക്കുമെന്ന് അൽ-ഒതൈബി കൂട്ടിച്ചേർത്തു.  വടക്കുപടിഞ്ഞാറൻ കാറ്റിന്റെ വേഗത  മണിക്കൂറിൽ 10 മുതൽ 35 കിലോമീറ്റർ വരെ വ്യത്യാസപ്പെടുമെന്ന് പ്രതീക്ഷിക്കുന്നു. മാത്രമല്ല, ചുട്ടുപൊള്ളുന്ന ഉഷ്ണതരംഗം ഞായറാഴ്ച വരെ നിലനിൽക്കുമെന്നും അദ്ദേഹം ഊന്നിപ്പറഞ്ഞു.