കുവൈറ്റിൽ നിന്ന് 62 ശ്രീലങ്കക്കാരെ നാടുകടത്തി

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി :  മതിയായ രേഖകളില്ലാതെ,  കുവൈറ്റിൽ താമസിച്ചിരുന്ന 62 ശ്രീലങ്കൻ പൗരന്മാരെ നാടുകടത്തിയതായി  കുവൈറ്റിലെ ശ്രീലങ്കൻ എംബസി സ്ഥിരീകരിച്ചു.

കടുനായകെ ബണ്ഡാരനായകെ അന്താരാഷ്ട്ര വിമാനത്താവളത്തിൽ ഇവരെ സ്വീകരിച്ചതായി ശ്രീലങ്കൻ ഡെയ്‌ലി ന്യൂസ് റിപ്പോർട്ട് ചെയ്തു. 59 ഗാർഹിക തൊഴിലാളികളാണ് സംഘത്തിലുണ്ടായിരുന്നത്.

    കുവൈറ്റിലെ ശ്രീലങ്കൻ എംബസി, ആഭ്യന്തര മന്ത്രാലയം, ക്രിമിനൽ ഇൻവെസ്റ്റിഗേഷൻ ഡിപ്പാർട്ട്‌മെന്റ്, ജുഡീഷ്യൽ സംവിധാനം, മറ്റ് ബന്ധപ്പെട്ട അധികാരികൾ എന്നിവയുമായി സഹകരിച്ച് ശ്രീലങ്കയിലേക്കുള്ള മടക്കം സുഗമമാക്കുന്നതിന് താൽക്കാലിക പാസ്‌പോർട്ടുകൾ ക്രമീകരിക്കുകയും ഉപയോഗിക്കുകയും ചെയ്തുവെന്ന് അൽ ഖബാസ് റിപ്പോർട്ട് ചെയ്യുന്നു. കുവൈറ്റിലെ ശ്രീലങ്കൻ എംബസിയിൽ രജിസ്റ്റർ ചെയ്തിട്ടുള്ള രണ്ടായിരത്തിലധികം ശ്രീലങ്കൻ ഗാർഹിക തൊഴിലാളികൾ തങ്ങളുടെ നാട്ടിലേക്ക് മടങ്ങാനുള്ള ആഗ്രഹം പ്രകടിപ്പിച്ചിട്ടുണ്ടെന്ന് വക്താവ് വെളിപ്പെടുത്തി.