കുവൈറ്റ് ആഭ്യന്തര മന്ത്രാലയം മൈദാൻ ഹവല്ലിയിൽ നടത്തിയ സുരക്ഷാ പരിശോധനയിൽ നിരവധി പേർ അറസ്റ്റിൽ

പ്രഥമ ഉപപ്രധാനമന്ത്രിയും പ്രതിരോധ മന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് യൂസഫ് സൗദ് അൽ-സബാഹിന്റെ നിർദ്ദേശപ്രകാരം ആഭ്യന്തര മന്ത്രാലയം മൈദാൻ ഹവല്ലിയിൽ വിപുലമായ സുരക്ഷാ, ട്രാഫിക് പരിശോധനകൾ നടത്തി.

പരിശോധനയിൽ 1,078 ട്രാഫിക് നിയമ ലംഘനങ്ങൾ കണ്ടെത്തുകയും 7 താമസ, തൊഴിൽ നിയമ ലംഘകരെയും, പിടികിട്ടാപ്പുള്ളികളായ 5 പേരെയും, ട്രാഫിക് നിയമ ലംഘനങ്ങൾക്ക് 3 പേരെയും, സംശയകരമായ സാഹചര്യത്തിൽ കണ്ടെത്തിയ ഒരാളെയും, മയക്കുമരുന്ന് കൈവശം വെച്ച ഒരാളെയും അറസ്റ്റ് ചെയ്തു. കൂടാതെ, കോടതി ഉത്തരവിറക്കിയ 3 വാഹനങ്ങളും ജുഡീഷ്യൽ ഉത്തരവിലുള്ള ഒരു വാഹനവും അധികൃതർ പിടിച്ചെടുത്തു.

രാജ്യത്തുടനീളം പൊതു സുരക്ഷയും ക്രമസമാധാനവും ഉറപ്പാക്കുന്നതിനായി പരിശോധനകൾ ശക്തമായി തുടരുമെന്ന് മന്ത്രാലയം അറിയിച്ചു.