കുവൈറ്റിൽ  വാട്ടർ പിസ്റ്റളുകളുടെയും വാട്ടർ ബലൂണുകളുടെയും വിൽപ്പന  നിരോധിച്ചു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി:  ദേശീയ അവധിക്കാലത്ത് വെള്ളവും പതയും  നിറച്ച വാട്ടർ പിസ്റ്റളുകളുടെയും ചെറിയ ബലൂണുകളുടെയും വിൽപ്പന നിരോധിക്കാൻ വാണിജ്യ-വ്യവസായ മന്ത്രാലയം ഭരണപരമായ തീരുമാനം പുറപ്പെടുവിച്ചു.

തീരുമാനമനുസരിച്ച്, പൊതുതാൽപ്പര്യത്തിൻ്റെ അടിസ്ഥാനത്തിൽ, ഫെബ്രുവരി 20 മുതൽ മാർച്ച് 31 വരെ ഇവയുടെ വിൽപ്പനയും വിപണനവും നിരോധിച്ചിരിക്കുന്നു. എല്ലാത്തരം വാട്ടർ പിസ്റ്റളുകളും, വെള്ളം നിറച്ച ചെറിയ ബലൂണുകളും, അപകടകരമായ വസ്തുക്കളും ഉൾപ്പെടുന്നു.  പടക്കങ്ങൾ, പൈറോടെക്നിക് തീജ്വാലയുള്ള എയർ ബലൂണുകൾ, ബ്ലേഡുള്ള ആയുധങ്ങൾ, റൈഫിളുകൾ, സമാനമായ പിസ്റ്റളുകൾ, ബ്ലേഡുകൾ, നോൺ-മെഡിക്കൽ ഇലക്ട്രിക് ഷോക്ക് മെഷീനുകൾ, ഇരുതല മൂർച്ചയുള്ളതോ പകുതി മൂർച്ചയുള്ളതോ ആയ കത്തികൾ മുതലായവ ഉൾപ്പെടെയുള്ള സ്വയം പ്രതിരോധ ആയുധങ്ങൾ എന്നിവയുടെ വിൽപനയും നിരോധിച്ചു.