കുവൈറ്റിൽ ഇനിമുതൽ ചെറുകിട, ഇടത്തരം സ്ഥാപനങ്ങളിലെ തൊഴിലാളികൾക്ക് ഒരു വർഷത്തിന് ശേഷം സമാനമായ മറ്റൊരു സ്ഥാപനത്തിലേക്ക് വിസ മാറ്റാം

ചെറുകിട, ഇടത്തരം സംരംഭങ്ങളുടെ (എസ്എംഇ) മേഖലയ്ക്കുള്ളിലെ കൈമാറ്റ നിയന്ത്രണങ്ങളിൽ മാറ്റം വരുത്തുമെന്ന് പബ്ലിക് അതോറിറ്റി ഫോർ മാൻപവർ പ്രഖ്യാപിച്ചു. സ്പോൺസർ ട്രാൻസ്റ്റർ അംഗീകരിച്ചാൽ ഈ മേഖലയ്ക്കുള്ളിലെ തൊഴിലാളികളെ മാറ്റുന്നതിന് ആവശ്യമായ കാലയളവ് മൂന്ന് വർഷത്തിൽ നിന്ന് ഒരു വർഷമായി കുറച്ചു.

രാജ്യത്തെ തൊഴിൽ വിപണിയിൽ നേരിടുന്ന തൊഴിലാളി ക്ഷാമം പരിഹരിക്കുന്നതിനും ചെറുകിട ഇടത്തരം സ്ഥാപനങ്ങൾ നേരിടുന്ന പ്രതിസന്ധികൾ മറികടക്കുന്നതിന് സർക്കാർ നൽകി വരുന്ന പിന്തുണയുടെയും ഭാഗമായാണ് നടപടി.