അൽ-ഖൈറവാൻ, അൽ സുലൈബിയ, വ്യവസായ മേഖലകളിൽ വൈദ്യുതി മുടങ്ങും

‘സുലൈബിയ ഡബ്ല്യു’ ട്രാൻസ്‌ഫോർമർ സ്റ്റേഷൻ പ്രവർത്തനരഹിതമായതിനാൽ പല പ്രദേശങ്ങളിലും വൈദ്യുതി വിതരണത്തിൽ തടസ്സം നേരിടുന്നുണ്ടെന്നു വൈദ്യുതി, ജലം, പുനരുപയോഗ ഊർജ മന്ത്രാലയം അറിയിച്ചു.

ബാധിത പ്രദേശങ്ങളിൽ അൽ-ഖൈറവാൻ, അൽ-സുലൈബിയ, ചില വ്യവസായ മേഖലകൾ എന്നിവ ഉൾപ്പെടുന്നുവെന്ന് മന്ത്രാലയം ചൂണ്ടിക്കാട്ടി.

എമർജൻസി ടീമുകൾ സ്ഥലത്തുണ്ടെന്നും എത്രയും വേഗം വൈദ്യുതി പുനഃസ്ഥാപിക്കുന്നതിന് ആവശ്യമായ നടപടികൾ സ്വീകരിക്കുന്നുണ്ടെന്നും അതിൽ സൂചിപ്പിച്ചു.