പ്രവാസികൾ റെസിഡൻസി പുതുക്കുന്നതിന് മുമ്പ് ബിൽ കുടിശിക തീർക്കുവാൻ ഉത്തരവ് നിലവിൽ വന്നു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : പ്രവാസികൾ റെസിഡൻസി പുതുക്കുന്നതിന് മുമ്പ് ബിൽ കുടിശിക തീർക്കുവാൻ ഉത്തരവ് നിലവിൽ വന്നു . ആദ്യ ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് തലാൽ അൽ ഖാലിദാണ് വിദേശികളുടെ താമസാവകാശം പുതുക്കുന്നത് സംബന്ധിച്ച് തീരുമാനം പുറപ്പെടുവിച്ചത്.  വിദേശികളുടെ താമസ നിയമത്തിന്റെ അവസാന ഖണ്ഡികയിലെ ഭേദഗതി പ്രകാരം, പ്രവാസികൾ അവരുടെ റസിഡൻസി വിസകൾ പുതുക്കാനോ കൈമാറ്റം ചെയ്യാനോ അനുവദിക്കുന്നതിന് മുമ്പ് എല്ലാ സംസ്ഥാന വകുപ്പുകളിലേക്കും അവരുടെ സാമ്പത്തിക ബാധ്യതകൾ അടയ്ക്കേണ്ടതുണ്ട്.

ഇന്ന്  മുതൽ ഈ പുതിയ നിയമം സജീവമാക്കുമെന്ന് ആഭ്യന്തര മന്ത്രാലയം അറിയിച്ചു. പ്രവാസികൾ അവരുടെ റെസിഡൻസി പുതുക്കുന്നതിന് മുമ്പ് സംസ്ഥാന വകുപ്പുകൾക്ക് തീർപ്പാക്കാത്ത എല്ലാ പേയ്‌മെന്റുകളും ക്ലിയർ ചെയ്യണം.
എല്ലാ പ്രവാസികളും നിയന്ത്രണങ്ങൾ പാലിക്കണമെന്ന് മന്ത്രാലയം ആവശ്യപ്പെട്ടു.