കുവൈറ്റിൽ കായിക, സാംസ്കാരിക  സാമൂഹിക പ്രവർത്തനങ്ങൾക്ക് എൻട്രി വിസ അനുവദിച്ച് ഉത്തരവ്

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : കുവൈറ്റിൽ കായിക, സാംസ്കാരിക  സാമൂഹിക പ്രവർത്തനങ്ങൾക്ക് എൻട്രി വിസ അനുവദിച്ച് ഉത്തരവ്.ആദ്യ ഉപപ്രധാനമന്ത്രിയും ആഭ്യന്തര മന്ത്രിയും ആക്ടിംഗ് പ്രതിരോധ മന്ത്രിയുമായ ഷെയ്ഖ് തലാൽ അൽ-ഖാലിദ് മന്ത്രിതല പ്രമേയം നമ്പർ 957/2019 ന്റെ ആർട്ടിക്കിൾ 4-ലേക്ക്  പുതിയ ക്ലോസ് ചേർക്കാനുള്ള തീരുമാന പ്രകാരമാണ് പുതിയ വിസ.  കായിക, സാംസ്കാരിക അല്ലെങ്കിൽ സാമൂഹിക പ്രവർത്തനങ്ങൾ പരിശീലിക്കുന്നതിനുള്ള പ്രവേശന വിസയാണ് ഇത്.

ജനറൽ ഡയറക്ടറേറ്റ് ഓഫ് റെസിഡൻസ് അഫയേഴ്‌സ് സ്ഥാപിച്ച നിയന്ത്രണങ്ങൾക്കനുസൃതമായി രാജ്യത്തെ സ്‌പോർട്‌സ് ക്ലബ്ബുകളോ അംഗീകൃത സാംസ്‌കാരിക, സാമൂഹിക സ്ഥാപനങ്ങളോ അസോസിയേഷനുകളോ സമർപ്പിച്ച അഭ്യർത്ഥനയുടെ അടിസ്ഥാനത്തിലാണ് ജനറൽ ഡയറക്ടറേറ്റ് ഓഫ് റെസിഡൻസ് അഫയേഴ്‌സ് വിസ നൽകുന്നത്.

തീരുമാനമനുസരിച്ച്, വിസ  ഉടമയെ 3 മാസത്തേക്ക് പ്രവേശനം അനുവദിച്ച് രാജ്യത്ത് താൽക്കാലികമായി താമസിക്കാൻ അനുവദിക്കുന്നു.