ഗതാഗത നിയമലംഘനങ്ങളെക്കുറിച്ചുള്ള വ്യാജ സന്ദേശങ്ങൾക്കെതിരെ മുന്നറിയിപ്പുമായി കുവൈറ്റ് ആഭ്യന്തരമന്ത്രാലയം

ആഭ്യന്തര മന്ത്രാലയത്തിന്റെ പേരിൽ വ്യാജ സന്ദേശങ്ങളും വ്യാജ വെബ്സൈറ്റുകളും പ്രചരിപ്പിക്കുന്നതിനെതിരെ മന്ത്രാലയം മുന്നറിയിപ്പ് നല്കി .ആഭ്യന്തര മന്ത്രാലയത്തിന്റെ ഔദ്യോഗിക ആപ്പ് അല്ലങ്കിൽ ഏകീകൃത സർക്കാർ ആപ്ലിക്കേഷനായ “സഹേൽ” ആപ്പ് വഴി മാത്രമാണ് പിഴ അടക്കേണ്ടതെന്ന് മന്ത്രാലയം വ്യക്തമാക്കി .

മന്ത്രാലയം അന്താരാഷ്ട്ര നമ്പറുകളിൽ നിന്ന് ടെക്സ്റ്റ് സന്ദേശങ്ങൾ അയയ്ക്കുകയോ ട്രാഫിക് പിഴകളിൽ കിഴിവുകൾ നൽകുകയോ ചെയ്യുന്നില്ല. കുവൈറ്റ് പൗരന്മാരും പ്രവാസികളും സന്ദേശത്തിൻറെ ആധികാരികത പരിശോധിച്ചുറപ്പിക്കാനും ‘സഹേൽ” ആപ്പിലെ ‘അമാൻ’ സേവനം വഴി സംശയാസ്പദമായ സന്ദേശങ്ങൾ ഉടൻ മന്ത്രാലയത്തിന് റിപ്പോർട്ട് ചെയ്യാനും അഭ്യർത്ഥിച്ചു .