വ്യോമപാത താൽക്കാലികമായി അടച്ച് കുവൈറ്റ്

മേഖലയിലെ സംഘർഷങ്ങൾ കണക്കിലെടുത്ത് മുൻകരുതൽ നടപടികളുടെ ഭാഗമായി കുവൈറ്റ് തങ്ങളുടെ വ്യോമാതിർത്തിക്കുള്ളിലെ എല്ലാ വിമാന ഗതാഗതവും താൽക്കാലികമായി നിർത്തിവച്ചതായി പ്രഖ്യാപിച്ചു.

പൗരന്മാരുടെയും താമസക്കാരുടെയും യാത്രക്കാരുടെയും സുരക്ഷ ഉറപ്പാക്കുന്നതിനൊപ്പം, ജാഗ്രതാ നിർദ്ദേശം കർശനമാക്കുക എന്ന ലക്ഷ്യത്തോടെയാണ് ഈ നടപടിയെന്ന് ബന്ധപ്പെട്ട അധികാരികൾ പുറത്തിറക്കിയ പ്രസ്താവനയിൽ വ്യക്തമാക്കി . പ്രാദേശിക, അന്തർദേശീയ പങ്കാളികളുമായി ഏകോപിപ്പിച്ച് സ്ഥിതിഗതികൾ സൂക്ഷ്മമായി നിരീക്ഷിച്ചുവരികയാണെന്നും ആവശ്യമെങ്കിൽ ഔദ്യോഗിക മാർഗങ്ങൾ വഴി അപ്ഡേറ്റുകൾ നൽകുമെന്നും ഉദ്യോഗസ്ഥർ അറിയിച്ചു .

പൊതുജന സുരക്ഷയ്ക്കുള്ള പ്രതിബദ്ധതയും ആവശ്യമെങ്കിൽ കൂടുതൽ നടപടികൾ നടപ്പിലാക്കാനുള്ള സന്നദ്ധതയും കുവൈറ്റ് സർക്കാർ വീണ്ടും ഉറപ്പിച്ചു.