മൊബൈൽ ഇൻ്റർനെറ്റ് വേഗതയിൽ കുവൈത്ത് ലോക റാങ്കിങ്ങിൽ മൂന്നാം സ്ഥാനത്ത്

ഒക്ടോബറിലെ സ്പീഡ് ടെസ്റ്റ് ഗ്ലോബൽ ഇൻഡക്‌സ് പ്രകാരം 258.51 എംബിപിഎസ് ശരാശരി വേഗത കൈവരിച്ച് കുവൈറ്റ്, ആഗോളതലത്തിലും അറബ് ലോകത്തും മൊബൈൽ ഇൻ്റർനെറ്റ് വേഗതയിൽ ശ്രദ്ധേയമായ മൂന്നാം സ്ഥാനം നേടിയതായി പ്രമുഖ പ്രാദേശിക പത്രം റിപ്പോർട്ട് ചെയ്തു . ഈ നേട്ടം മൊബൈൽ കണക്റ്റിവിറ്റിയിൽ കുവൈറ്റിനെ ആഗോള തലത്തിൽ എത്തിക്കുന്നു.428.53 Mbps വേഗതയോടെ യുണൈറ്റഡ് അറബ് എമിറേറ്റ്സ് ആഗോളതലത്തിലും പ്രാദേശികമായും പട്ടികയിൽ ഒന്നാമതെത്തി, തൊട്ടുപിന്നിൽ, ആഗോളതലത്തിലും പ്രാദേശികമായും ഖത്തർ രണ്ടാം സ്ഥാനത്താണ്, ശരാശരി വേഗത 356.7 Mbps ആണ്. ഗൾഫ് കോ-ഓപ്പറേഷൻ കൗൺസിൽ (ജിസിസി) രാജ്യങ്ങൾ സൂചികയിൽ ശക്തമായ പ്രകടനം കാഴ്ചവച്ചു — 121.9 Mbps മൊബൈൽ ഇൻ്റർനെറ്റ് വേഗതയുള്ള സൗദി അറേബ്യ അറബ് ലോകത്ത് നാലാം സ്ഥാനത്തും ആഗോളതലത്തിൽ 11-ാം സ്ഥാനത്തും എത്തി , ശരാശരി വേഗത 116.6 mbps രേഖപ്പെടുത്തി ബഹ്റൈൻ അഞ്ചാം സ്ഥാനത്തും ആഗോളതലത്തിൽ 13-ാം സ്ഥാനത്തും ഒമാൻ അറബ് ലോകത്ത് ആറാം സ്ഥാനവും 89.3 mbps വേഗതയിൽ ആഗോളതലത്തിൽ 29-ാം സ്ഥാനവും കരസ്ഥമാക്കി.