ഫോറം ഓഫ് ഇന്ത്യൻ ഡോക്ടർസ് കുവൈറ്റ് (IDF) 2026-2028 വർഷത്തെ പുതിയ ഭാരവാഹികൾ അധികാരമേറ്റു

കുവൈറ്റ് സിറ്റി: കുവൈറ്റിലെ വളരെ പ്രശസ്തവും ഉന്നതവുമായ പ്രവാസി സംഘടനയായ ഫോറം ഓഫ് ഇന്ത്യൻ ഡോക്‌ടേഴ്‌സിന്റെ (IDF) 2026–2028 വർഷത്തേക്കുള്ള പുതിയ ഭാരവാഹികൾ ചുമതലയേറ്റു. 2026 ഒക്ടോബർ 2-ന് കുവൈറ്റ് ക്രൗൺ പ്ലാസ ഹോട്ടലിൽ വെച്ച് നടന്ന പ്രൗഢഗംഭീരമായ ചടങ്ങിലാണ് പുതിയ ഭാരവാഹികൾ അധികാരമേറ്റത്. കഴിഞ്ഞ 22 വർഷങ്ങളായി മെഡിക്കൽ ക്യാമ്പുകൾ, ടെലികൺസൾട്ടേഷനുകൾ, ബോധവൽക്കരണ പരിപാടികൾ എന്നിവ നടത്തി കുവൈറ്റിലെ എല്ലാ പ്രവാസി സമൂഹങ്ങൾക്കും സേവനം നൽകി വരുന്ന സംഘടനയാണ് ഫോറം ഓഫ് ഇന്ത്യൻ ഡോക്‌ടേഴ്‌സ്.

പുതിയ ഭാരവാഹികളായി ഡോ. മോഹൻ റാം (പ്രസിഡന്റ്), ഡോ. ആന്റണി സെബാസ്റ്റ്യൻ ഡിക്രൂസ് (ജനറൽ സെക്രട്ടറി) എന്നിവർ സത്യപ്രതിജ്ഞ ചെയ്ത് അധികാരമേറ്റു.

മറ്റു ഭാരവാഹികൾ:

• പുരുഷ വൈസ് പ്രസിഡന്റ്: ഡോ. ജഗനാഥ് ആർ. ചോടാങ്കർ
• വനിതാ വൈസ് പ്രസിഡന്റ്: ഡോ. സുസോവന സുജിത് നായർ
• ജോയിന്റ് ജനറൽ സെക്രട്ടറി: ഡോ. മുഹമ്മദ് എം. ക്വാദരി
• ട്രഷറർ: ഡോ. പിയുഷ് ബാഫ്‌ന
• ജോയിന്റ് ട്രഷറർ: ഡോ. നവീൻ ജോർജ് തോമസ്
• കൾച്ചറൽ സെക്രട്ടറി: ഡോ. അനിന്ദിത മേദി
• ജോയിന്റ് കൾച്ചറൽ സെക്രട്ടറി: ഡോ. ജാക്‌സൺ റാഫേൽ
• കമ്മ്യൂണിറ്റി സെക്രട്ടറി: ഡോ. ശ്രീറാം നാഥൻ
• ജോയിന്റ് കമ്മ്യൂണിറ്റി സെക്രട്ടറി: ഡോ. പ്രീത എബ്രഹാം
• മെമ്പർഷിപ്പ് സെക്രട്ടറി: ഡോ. അർഷാദ് പട്ടേൽ
• ജോയിന്റ് മെമ്പർഷിപ്പ് സെക്രട്ടറി: ഡോ. മനു കുര്യൻ ബേബി
• കമ്മ്യൂണിക്കേഷൻ സെക്രട്ടറി: ഡോ. സൗമ്യ രാമണ്ണ ഷെട്ടി
• ജോയിന്റ് കമ്മ്യൂണിക്കേഷൻ സെക്രട്ടറി: ഡോ. ഹർഷിത വുന്നവ

കുവൈറ്റിന്റെയും ഇന്ത്യയുടെയും ദേശീയ ഗാനാലാപനത്തോടെയാണ് ചടങ്ങുകൾക്ക് തുടക്കമായത്. തുടർന്ന് സ്ഥാനമൊഴിയുന്ന വനിതാ ഭാരവാഹികളും മുൻ പ്രസിഡന്റുമാരുടെ ഭാര്യമാരും ചേർന്ന് ഭദ്രദീപം തെളിച്ചു. ഡോ. ഇംതിയാസ് നവാസ് പരിശുദ്ധ ഖുറാൻ പാരായണം നടത്തി. സ്ഥാനമൊഴിയുന്ന വൈസ് പ്രസിഡന്റ് ഡോ. സുസോവന സ്വാഗത പ്രസംഗം നടത്തി. തൻ്റെ പ്രസംഗത്തിൽ മുൻ പ്രസിഡന്റുമാർക്കും തിരഞ്ഞെടുപ്പ് ഓഫീസർമാരായ ഡോ. അമീർ അഹമ്മദ്, ഡോ. സുരേന്ദ്ര നായക്, ഡോ. ജിബിൻ ജോൺ തോമസ് എന്നിവർക്കും അവർ നന്ദി രേഖപ്പെടുത്തി.

തുടർന്ന് മുൻ പ്രസിഡന്റുമാരായ ഡോ. ദിവാകര ചലുവയ്യ, ഡോ. സുരേന്ദ്ര നായക്, ഡോ. അമീർ അഹമ്മദ്, ഡോ. അഭയ് പട്വാരി, ഡോ. റി യാസ് അഹമ്മദ് ഖാൻ എന്നിവർ സംസാരിച്ചു. ഫോറത്തിന്റെ സി.ഇ.ഒ ടീമിന്റെയും മുൻ പ്രസിഡന്റുമാരുടെയും പേരിൽ ഡോ. റിയാസ് അഹമ്മദ് ഖാൻ മുഴുവൻ ഭാരവാഹികളുടെയും പട്ടിക ഔദ്യോഗികമായി പ്രഖ്യാപിച്ചു. പശ്ചാത്തല സംഗീതത്തിന്റെ അകമ്പടിയോടും സദസ്സിന്റെ കൈയടിയോടും കൂടെ അദ്ദേഹം ഓരോരുത്തരെയായി വേദിയിലേക്ക് സ്വാഗതം ചെയ്തു.

പ്രസിഡന്റ് ഡോ. മോഹൻ റാം തന്റെ അധ്യക്ഷ പ്രസംഗത്തിൽ തിരഞ്ഞെടുപ്പ് സംഘത്തിനും ഉപദേശക സമിതിക്കും നന്ദി അറിയിക്കുകയും, വരാനിരിക്കുന്ന ഭരണകാലയളവ് വളരെ ഫലപ്രദമായിരിക്കുമെന്ന പ്രത്യാശ പ്രകടിപ്പിക്കുകയും ചെയ്തു. സ്ഥാനമൊഴിയുന്ന ജനറൽ സെക്രട്ടറി ഡോ. ഫിലിപ്പോസ് ജോർജ് കൃതജ്ഞത രേഖപ്പെടുത്തി. ഡോ. ഉമർ താക്, ഡോ. ശ്രീറാം എന്നിവർ പരിപാടിയുടെ അവതാരകരായിരുന്നു. ഏവരും ആസ്വദിച്ച വിഭവസമൃദ്ധമായ അത്താഴവിരുന്നോടെ പരിപാടികൾ സമാപിച്ചു.