ഫോണുകൾ മോഷ്ടാക്കളായ അഞ്ചംഗ സംഘം പിടിയിൽ

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : കുവൈറ്റിൽ ഫോണുകൾ മോഷ്ടാക്കളായ അഞ്ചംഗ സംഘം പിടിയിൽ.
27,000 ദീനാറിന്റെ ഫോണുകൾ മോഷ്ടിച്ച 5 അറബികളുടെ സംഘത്തെ ഹവല്ലി ഗവർണറേറ്റ് ഇൻവെസ്റ്റിഗേഷൻ ഡിപ്പാർട്ട്‌മെന്റ് പിടികൂടി.

ജനറൽ ഡിപ്പാർട്ട്‌മെന്റ് ഓഫ് ക്രിമിനൽ ഇൻവെസ്റ്റിഗേഷൻ (ഹവല്ലി ഗവർണറേറ്റ് ഇൻവെസ്റ്റിഗേഷൻ ഡിപ്പാർട്ട്‌മെന്റ്) പ്രതിനിധീകരിക്കുന്ന ക്രിമിനൽ സെക്യൂരിറ്റി വിഭാഗത്തിന്റെ ശ്രമങ്ങളുടെ ഫലമായി സാൽമിയയിലെ  ഒരു കമ്പനിയിൽ അതിക്രമിച്ച്‌ കയറി ഫോണുകൾ മോഷ്ടിച്ച സംഘാംഗങ്ങളെ പിടികൂടിയതായി ആഭ്യന്തര മന്ത്രാലയത്തിലെ സുരക്ഷാ മാധ്യമ വിഭാഗം അറിയിച്ചു.

പിടികൂടിയ ആളുകളെയും പിടിച്ചെടുത്ത വസ്‌തുക്കളും അവർക്കെതിരെ ആവശ്യമായ നിയമനടപടികൾ സ്വീകരിക്കുന്നതിന്  അതോറിറ്റിക്ക് റഫർ ചെയ്‌തിട്ടുണ്ടെന്നും വൃത്തങ്ങൾ കൂട്ടിച്ചേർത്തു.