കുവൈറ്റിൽ നിന്നും ഹജ്ജിനുള്ള ആദ്യ വിമാനം ജൂലൈ മൂന്നിന്

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി: കുവൈറ്റിൽ നിന്നും ഹജ്ജിനുള്ള ആദ്യ വിമാനം ജൂലൈ മൂന്നിന് പുറപ്പെടും .
കൊവിഡ്-19 മഹാമാരി മൂലം തുടർച്ചയായി രണ്ട് വർഷത്തിനു ശേഷം, ഈ വർഷത്തെ മക്കയിലെക്കുള്ള    തീർത്ഥാടകരുടെ ആദ്യ വിമാനം ജൂലൈ 3 ന് കുവൈറ്റ് അന്താരാഷ്ട്ര വിമാനത്താവളത്തിൽ നിന്ന് പുറപ്പെടുമെന്ന് പ്രാദേശിക  ദിനപത്രം റിപ്പോർട്ട് ചെയ്യുന്നു.

നിലവിലെ തീർഥാടന സീസണുമായി ബന്ധപ്പെട്ട സംയോജിത പദ്ധതിയെക്കുറിച്ച് ഡയറക്ടറേറ്റ് ജനറൽ ഫോർ സിവിൽ ഏവിയേഷൻ (ഡിജിസിഎ) ഡയറക്ടർ ജനറൽ യൂസഫ് അൽ-ഫൗസാൻ ഒരു പത്രക്കുറിപ്പിൽ അറിയിച്ചു. ഏകദേശം 5,622 തീർഥാടകരെ പുണ്യഭൂമിയിലേക്ക് കൊണ്ടുപോകുന്നതിനുള്ള 20 വിമാനങ്ങളുടെ ഷെഡ്യൂളിംഗ് പൂർത്തിയായതായി അദ്ദേഹം വെളിപ്പെടുത്തി.