കുവൈറ്റിൽ ഫൈബർ ഒപ്റ്റിക് ശൃംഖല വിപുലപ്പെടുത്തുന്നു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : നിലവിലെ ശൃംഖല വിപുലീകരിക്കുന്നതിന്റെ ഭാഗമായി രാജ്യത്തെ എല്ലാ പ്രദേശങ്ങളിലും ഫൈബർ ഒപ്റ്റിക് നെറ്റ്‌വർക്ക് വിപുലീകരിക്കുന്നതിനും സ്ഥാപിക്കുന്നതിനും ബന്ധിപ്പിക്കുന്നതിനുമുള്ള തയ്യാറെടുപ്പും ആസൂത്രണവും ഏറെക്കുറെ പൂർത്തിയാക്കിയതായി കമ്മ്യൂണിക്കേഷൻസ് മന്ത്രാലയം അറിയിച്ചു.

ഫൈബർ-ഒപ്റ്റിക് നെറ്റ്‌വർക്ക് പദ്ധതിയുടെ മൂന്നാം ഘട്ടം സംബന്ധിച്ച് വാർത്താവിതരണ മന്ത്രാലയം കുവൈറ്റ് മുനിസിപ്പാലിറ്റിയെ അഭിസംബോധന ചെയ്തിട്ടുണ്ടെന്നും പ്രാദേശിക ദിനപത്രം റിപ്പോർട്ട് ചെയ്യുന്നു.മൂന്നാം ഘട്ടത്തിൽ രാജ്യത്തിന്റെ മറ്റ് ഭാഗങ്ങൾ ഉൾപ്പെടുത്തി ഏകദേശം 100,000 പ്ലോട്ടുകൾ ഉൾക്കൊള്ളുന്ന 90 മേഖലകളിൽ എത്തുമെന്നും അദ്ദേഹം പറഞ്ഞു. മൂന്നാം ഘട്ടത്തിൽ പരമ്പരാഗത കോപ്പർ നെറ്റ്‌വർക്ക് സംവിധാനങ്ങളെ നൂതന ഒപ്റ്റിക്കൽ ഫൈബറുകളാക്കി മാറ്റുന്നത് ഉൾപ്പെടുന്നുവെന്ന് ഔദ്യോഗിക വൃത്തങ്ങൾ പറഞ്ഞു.